ডিজিটেল ডেস্কঃ বিশ্বত সুন্দৰ মানুহৰ সংখ্যা বৃদ্ধি কৰাৰ উদ্দেশ্যৰে নিজৰ গৰ্ভ ভাড়াত দিব বিচাৰে এগৰাকী মহিলাই৷ আমেৰিকা যুক্তৰাষ্ট্ৰৰ নৰ্থ কেৰোলিনাৰ বাসিন্দা এমি কাপচ নামৰ উক্ত মহিলাগৰাকীয়ে প্ৰকাশ কৰিছে এই ইচ্ছা৷
বাতৰি অনুযায়ী, এমি এগৰাকী সুন্দৰী নাৰী আৰু সেইবাবেই ২৫টাকৈ সন্তান জন্ম দিয়াৰ লক্ষ্য বান্ধি লৈছে৷ ইয়াৰ কাৰণ হৈছে যিহেতু তেওঁ সু্ন্দৰী নাৰী, সেয়ে তেওঁৰ সন্তানো সুন্দৰেই হ’ব৷ ফলস্বৰূপে বিশ্বত সুন্দৰ মানুহৰ সংখ্যা বৃদ্ধি পাব৷
ইয়াৰ পূৰ্বে এমিয়ে শিক্ষকতাৰ স’তে জড়িত আছিল৷ মডেলিঙতো ভৰি থৈছিল ৩৩ বছৰ বয়সীয়া মহিলাগৰাকী৷ বিশ্বত সুন্দৰ মানুহৰ সংখ্যা বৃদ্ধি কৰাৰ পৰিকল্পনা ব্যক্ত কৰাৰ আগতেও বিতৰ্কত জড়িত হৈ পৰিছিল এমি৷
সামাজিক মাধ্যমযোগে তেওঁ জনাইছিল যে শিক্ষকতা কৰি থকাৰ কালছোৱাত এজন ছাত্ৰৰ স’তে তেওঁ শাৰিৰীক সম্পৰ্ক কৰে৷ ৮ মাহৰ অন্তঃসত্বা হয়৷ তাৰপাছতে শিক্ষকতা ত্যাগ কৰি মডেলিঙকে নিজৰ পেছা হিচাপে বাছি লয় এমিয়ে৷ এতিয়া তেওঁ নতুন পৰিকল্পনা ব্যক্ত কৰিছে৷
সংবাদমাধ্যমক এমিয়ে কয় যে বহু পুৰুষে তেওঁক বিয়াৰ প্ৰস্তাৱ দিছে৷ কিন্তু তেওঁ কেৱল এজন পুৰুষৰ সন্তানৰ মাক হ’ব বিচাৰে৷ বৰঞ্চ বহু পুৰুষক সন্তান উপহাৰ দিব বিচাৰে৷ সেইবাবে নিজৰ গৰ্ভ ভাড়া দিব বিচাৰে এমিয়ে৷
এমিয়ে কয় যে তেওঁৰ সন্তান তেওঁৰ দৰেই সুন্দৰ-সুশ্ৰীৰ অধিকাৰী হ’ব৷ এনেধৰণৰ সুন্দৰ-সুশ্ৰীৰ সন্তান ২৫টাকৈ জন্ম দিব বিচাৰে বুলি তেওঁ জনায়৷ ইয়াৰ পৰা মানৱ সভ্যতাৰ মংগল হ’ব বুলিও তেওঁ অনুভৱ ব্যক্ত কৰিছে৷
Continue Reading
