ব্ৰিটেইনৰ ৰজা চাৰ্লছক উদ্দেশ্যি ঘোলা কণী নিক্ষেপ দেশখনৰ এগৰাকী যুৱকৰ

ডিজিটেল ডেস্কঃ ব্ৰিটেইনৰ নতুন ৰজা চাৰ্লছক উদ্দেশ্যি গেলা কণী মাৰিলে ইংলেণ্ডৰ এজন যুৱকে৷ বুধবাৰে পত্নী কেমিলাৰ স’তে য়ৰ্ক চহৰত চাৰ্লছে ফুৰিবলৈ যাওতে এই ঘটনা সংঘটিত হয়৷

চহৰখনৰ জনসাধাৰণৰ স’তে ভাৱ বিনিময় কৰিবলৈ যাওতেই অতৰ্কিতে এজন যুৱকে এই কাণ্ড কৰে৷ প্ৰথমে চাৰ্লছে কথাটো গম গম পোৱা নাছিল কিন্তু এটাৰ পাছত এটাকৈ ঘোলা কণী উৰি আহিব ধৰে৷

কিন্তু ৰজা চাৰ্লছে ঘটনাটোত কোনো প্ৰতিক্ৰিয়া প্ৰকাশ নকৰিলে৷ এটা কণীয়েও ৰজাক চুব নোৱাৰিলে৷

পাছত আৰক্ষীক এগৰাকী প্ৰত্যক্ষদৰ্শী ঘটনাটো কোনে সংঘটিত কৰিছিল সেই বিষয়ে জনায়৷ মুঠ পাঁচটা কণী নিক্ষেপ কৰা হৈছিল৷ এগৰাকী যুৱকে মুখেৰে অদ্ভূত শব্দ কৰি আৰম্ভ কৰিছিল এই কাম৷

তাৰপাছতে আৰক্ষীয়ে যুৱকজনক গ্ৰেপ্তাৰ কৰে৷ আৰক্ষীয়ে গ্ৰেপ্তাৰ কৰোতে যুৱকজনে চিঞৰি উঠে- ‘‘এই দেশ ভৃত্যসকলৰ তেজেৰে গঠিত হৈছে৷’’ তদুপৰি ‘‘ব্ৰিটেইনেৰ ৰজাৰ লজ্জা হোৱা উচিত’’ বুলিও তেওঁ  শ্লোগান দিয়ে৷

সমগ্ৰ ঘটনাটো সামাজিক মাধ্যমত ভাইৰেল হৈ পৰাৰ পাছতে ব্যাপক চৰ্চা লাভ কৰিছে৷