ডিজিটেল ডেস্ক: ভাৰতীয় নাগৰিকে আশা কৰিছিল যে এগৰাকী ভাৰতীয় মূলৰ ৰাজনীতিবিদে শুৱনি কৰিব প্ৰধানমন্ত্ৰীৰ আসন৷ ঋষি সুনকক লৈ অপাৰ আশা কৰিছিল দেশবাসীয়ে৷ কিন্তু, সেই আশা অপূৰ্ণ হৈ ৰ’ব৷ ব্ৰিটেইনৰ প্ৰধানমন্ত্ৰী পদৰ দৌৰত শেষ সময়ত পিছ পৰিল ঋষি সুনক৷
ট’ৰি ভোটাৰসকলৰ সমৰ্থন আদায়ৰ ক্ষেত্ৰত ব্যৰ্থ হৈছে ব্ৰিটেইনৰ প্ৰাক্তন বিত্ত সচিব সুনক৷ নিজৰ প্ৰচাৰ অভিযান ‘ৰেডী ফৰ ঋষি’ৰ সমাপ্তিত ৪২ বছৰীয়া প্ৰাৰ্থীজনে কালি টুইটাৰত লিখিছে, সোমবাৰে লগ পাম৷ এনে এক বাৰ্তাৰ যোগেদি তেওঁ বুজাই দিলে যে ব্ৰিটেইনৰ মছনদ দখলৰ স্বপ্ন ত্যাগ কৰিবলৈ তেওঁ প্ৰস্তুত নহয়৷
আজি ব্ৰিটেইনত নিৰ্বাচনৰ ভোটগণনা অনুষ্ঠিত হ’ব৷ একাধিক দলীয় সমীক্ষাৰ তথ্য অনুসৰি, এই ভোটগ্ৰহণত ঋষিৰ প্ৰতিদ্বন্দ্বী প্ৰাৰ্থী ব্ৰিটেইনৰ প্ৰাক্তন বৈদেশিক সচিব লিজ ট্ৰাছে শেষ হাঁহি মৰাৰ সম্ভাৱনা আছে৷ কিয়নো, কনজাৰভেটিভ পাৰ্টিৰ দলীয় সদস্যৰ মাজত ঋষিতকৈ লিজৰ সমৰ্থকৰ সংখ্যা বেছি৷
Continue Reading
