ডিজিটেল ডেস্ক: অনাকাংক্ষিত এক ঘটনা সংঘটিত হৈছে অমৃতসৰ আৰু লাহোৰৰ মাজৰ ভাৰত-পাকিস্তান সীমান্তত৷ জানিব পৰা মতে ভাৰত-পাকিস্তান সীমান্তৰ ৱাগাহ সেনা চকীত বিটিং ৰিট্ৰীট অনুষ্ঠানৰ সময়ত এক হৃদয়স্পৰ্শি ঘটনা সংঘটিত হয়৷পথ হেৰুৱাই পাকিস্তানৰ পৰা অহা এটা কুকুৰে ভাৰতৰ ভূখণ্ডত প্ৰবেশ কৰা ঘটনাই অনাকাংক্ষিত পৰিস্থিতিৰ সৃষ্টি হয়।
সতৰ্কতাৰে পৰিস্থিতি চম্ভালি লয় দুয়োপক্ষৰ নিৰাপত্তাৰক্ষীয়ে। কুকুৰটোৰ উপস্থিতিৰ পাছতো আনুষ্ঠানৰ কাৰ্য্যক্ৰমণিকা স্বাভাৱিক ভৱে চলি থকে৷
ভাৰত-পাকিস্তানৰ মাজত দীৰ্ঘদিনীয়া উত্তেজনাৰ মাজতো সদিচ্ছাৰ প্ৰতীক হিচাপে পালন কৰা দৈনন্দিন অনুষ্ঠানটো সুকলমে পাৰ হৈ যায়।
বিপথগামী কুকুৰটোৱে দুয়োপক্ষৰ সামৰিক বাহিনীয়ে অনুশীলন চলাই থকাৰ সময়তে সীমান্ত পাৰ হৈ ভাৰতত প্ৰৱেশ কৰা পৰিলক্ষিত হয়। কুকুৰটোৰ অকস্মিক উপস্থিতিয়ে দৰ্শক আৰু নিৰাপত্তাৰক্ষীৰ দৃষ্টি আকৰ্ষণ কৰে।
ভিডিঅ’টত পৰিলক্ষিত হোৱা অনুসৰি এই কুকুৰটোক ভাৰতীয় সেনাৰ তত্বাৱধানত ৰখা হৈছে। এই ঘটনাৰ পাছতে স্থানীয় লোকৰ মাজতো জনপ্ৰিয় হৈ পৰিছে, সূত্ৰ অনুসৰি ভাৰতীয় সেনাই ইয়াক চোৱাচিতা কৰা বুলি জানিব পৰা গৈছে। সীমান্ত ঞ্চলটোত শান্তি বাহাল থকা বুলি জানিব পৰা গৈছে।আৰু ৱাগাহ সেনা চকীত অনুষ্ঠিত বিটিং ৰিট্ৰীট অনুষ্ঠানৰো সফলতাৰে সম্পন্ন হৈছে বুলি সদৰি কৰিছে।
