ডিজিটেল ডেস্কঃ এটি দুটি নহয়, ২৫ টি সন্তানৰ মাতৃ হ’ব বিচাৰে এগৰাকী প্ৰাক্তন শিক্ষয়িত্ৰীয়ে। কেৱল সন্তান হ’লেই নহ’ব, সেই সন্তান ধুনীয়াও হ’ব লাগিব। যুৱতীগৰাকীৰ বদ্ধমূল ধাৰণা যে তেওঁ যিহেতু ধুনীয়া তেওঁ জন্ম দিয়া সন্তানো ধুনীয়াই হ’ব। ২৫ টা সন্তান জন্ম দিব বিচৰা এই যুৱতীগৰাকীয়ে কিন্তু বিয়া হ’বলৈ মুঠেও ইচ্ছা নকৰে। বিয়া নোহোৱাকৈয়ে ধাত্ৰী মাতৃ বা ছাৰ’গেটেড মাদাৰ হিচাবে তেওঁ সন্তান নিজৰ গৰ্ভত ধাৰণ কৰিব বিচাৰে।
যুৱতীগৰাকীৰ নাম এমী। আমেৰিকা নিবাসী এমীয়ে ধৰাণা কৰে যে তেওঁ 'ধুনীয়া', গতিকে দেউতাক যিয়েই নহওঁক, শিশুটো ধুনীয়া হ'বই। আমেৰিকা যুক্তৰাষ্ট্ৰৰ নৰ্থ কেৰোলিনাৰ বাসিন্দা এমী কেপ্ছে এনে দাবীয়েই কৰি আহিছে । মহিলাগৰাকীয়ে দাবী কৰিছে যে তেওঁ বিচাৰে যে পৃথিৱীত ধুনীয়া মানুহৰ সংখ্যা আৰু বৃদ্ধি হওক। সেইকাৰণে তেওঁ প্ৰয়োজন হ'লে নিজৰ গৰ্ভ ধাৰ দিব বিচাৰে।
এমীয়ে আগতে শিক্ষকতা কৰিছিল। মডেলিঙো কৰি আহিছে তেওঁ। আগতে তেওঁ কেইবাবাৰো বিতৰ্কত জড়িত হৈ পৰিছিল। ৩৩ বছৰীয়া এমীয়ে ধাত্ৰী মাতৃ হিচাবে হ’লেও ২৫ টা সন্তানৰ মাতৃ হ'ব বিচাৰে।
এমীয়ে সংবাদ মাধ্যমক কয় যে বহু পুৰুষে তাইক বিবাহৰ প্ৰস্তাৱ দিছে। কিন্তু তেওঁ মাত্ৰ এটা বা দুটা সন্তানৰ মাতৃ হ'ব নিবিচাৰে। ইয়াৰ পৰিৱৰ্তে তেওঁ বহু সন্তান জন্ম দিব বিচাৰে। যদি কোনোবাই তেওঁক ধাত্ৰা মাতৃ হিচাবে তেন্তে তেওঁ সেয়া কৰিবলৈ সাজু।
তেওঁৰ মতে, তেওঁৰ ভৱিষ্যতৰ সন্তানে তেওঁৰ জিন পাব। ফলস্বৰূপে, তেওঁৰ দৰে, শিশুসকলৰো 'ধুনীয়া' চুলি, চকু, মুখ আৰু শৰীৰ থাকিব। এমীয়ে কয় যে তেওঁ মুঠ ২৫ টা সন্তান দিব পাৰিলে সেয়া মানৱ সভ্যতাৰ বাবে এটা ভাল কাম হ'ব।
Continue Reading
