ডিজিটেল ডেস্কঃ বিবাহ সম্পৰ্কীয় বিভিন্ন ভিডিঅ’ ভাইৰেল হয় ছ’চিয়েল মিডিয়াত। শেহতীয়াকৈ এটা বিয়াৰ ভিডিঅ’ চৰ্চিত হৈছে। বিয়াত সদায় হাঁহি-ধেমালি থাকে। অৱশ্যে বিয়াঘৰত কইনাৰ সৈতে মজা কৰি থাকোঁতে বিপদত পৰিল দৰা।
ভিডিঅ’টোত দৰা-কইনা ব্ৰত ল’বলৈ সাজু হৈ থকাৰ সময়তে দৰাজনে কোটৰ পকেটৰ পৰা এখন নোট উলিয়াই আনে। নোটখন খুলি সকলোকে দেখুৱাই দিলে। আলহীৰ সন্মুখত দৰাজনে ক'লে, "মই সহায় বিচাৰো! মোৰ জীৱনটো কইনাজনীৰ দৰেই দুৰ্বিষহ হ'ব। মোক সহায় কৰক।''
দৰাৰ কথা শুনি সকলোৱে হাঁহি উঠিল। অৱশ্যে হ’বলগীয়া কইনাগৰাকীয়ে নিজকে ঠাট্টা-মস্কৰা কৰিবলৈ সদয়ভাৱে লোৱা নাছিল। তাইৰ বৰ খং উঠিল। খঙত তাই নিজৰ ফুলৰ থোপাটো দৰাজনৰ ফালে দলিয়াই দিলে।
কইনাৰ খং উঠা দেখি দৰাটোৱে ভয় খায়। কইনাৰ হাতত ধৰি তেওঁ ক'লে, "মই ধেমালি কৰি আছিলো। তুমি মোৰ জীৱন, তোমাৰ অবিহনে মই একো বুজি নাপাওঁ!" কইনাজনীয়ে ক'লে, "মোৰ সন্মান মোৰ আটাইতকৈ প্ৰিয়।"
এই ভিডিঅ'টো বিয়পি পৰাৰ লগে লগে বহুতে বিভিন্ন ধৰণৰ মন্তব্য কৰে। এজন ব্যক্তিয়ে লিখিছে, "ছোৱালীজনীয়ে সঠিক কাম কৰিলে। নিজৰ সন্মানৰ লগত আপোচ কৰাটো কেতিয়াও সঠিক নহয়।'' আন এজন ব্যক্তিয়ে লিখিছে, "মইও মহিলা হ'লে একে কামেই কৰিলোঁহেঁতেন।"
Continue Reading
