ডিজিটেল ডেস্ক : বলীউডৰ মোহময়ী তথা প্ৰতিভাশালী অভিনেত্ৰী কেটৰিনা কাঈফৰ আজি জন্মদিন৷ আজি ৩৯ বছৰত ভৰি দিলে এই মোহময়ী অভিনেত্ৰী গৰাকীয়ে৷ বিয়াৰ পাছত কেটৰিনাৰ এইয়া প্ৰথম জন্মদিন৷ স্বামীৰ ভিকি কৌশলৰ সৈতে নিজৰ বিশেষ দিনটো উদযাপন কৰাত এতিয়া ব্যস্ত সকলোৰে প্ৰিয় অভিনেত্ৰী গৰাকী৷
জন্মদিনৰ এদিন পূৰ্বেই স্বামীৰ সৈতে মালদ্বীপলৈ ৰাওনা হৈছিল অভিনেত্ৰী গৰাকী৷ আজি মালদ্বীপত নিজৰ ৩৯ সংখ্যক জন্মদিন উদযাপন কৰিব কেটৰিনা কাঈফে৷ আপুনি হয়তো সহজেই অনুমান কৰিব পাৰিছে যে, আনবোৰ জন্মদিনতকৈ এইবাৰৰ জন্মদিন সুকীয়া হ’ব অভিনেত্ৰী গৰাকীৰ। কাৰণ অভিনেত্ৰী গৰাকীক সুখী কৰিবলৈ সম্পূৰ্ণ চেষ্টা চলাইছে স্বামী ভিকি কৌশলে৷
জন্মদিন উদযাপনত কেৱল ভিকি কৌশলেই আৰু কেটৰিনাই নহয়, বলীউডৰ আন কেইজনমান তাৰকাও উপস্থিত থাকিব বুলি জানিব পৰা গৈছে৷নিজৰ প্ৰিয় আৰু ঘনিষ্ঠ সহযোগী সকলক জন্মদিনলৈ নিমন্ত্ৰণ জনাইছে ভিকি-কেটে৷ জন্মদিনৰ অনুষ্ঠানত অংশ ল’ব ভিকি কৌশলৰ ভাতৃ অভিনেতা চানি কৌশল আৰু অভিনেত্ৰী শৰবৰী বাঘে৷ চানি আৰু শৰবৰীৰ ঘনিষ্ঠতা বৃদ্ধি পাইছে বুলিও বৰ্তমান খুবেই চৰ্চিত হৈছে৷তেওঁলোকৰ উপৰিও ছবি নিৰ্মাতা কবীৰ খান আৰু মিনি মাথুৰো ইতিমধ্যে মালদ্বীপত উপস্থিত হৈছে৷
নিজৰ অভিনয়ৰ যাদুৰে সকলোকে সন্মোহিত কৰি ৰখা অভিনেত্ৰী গৰাকীলৈ আমাৰ তৰফৰ পৰা জন্মদিনৰ অজস্ৰ শুভেচ্ছা৷ দৈনন্দিন ব্যস্ততাৰ পৰা আঁতৰি মালদ্বীপত উদযাপন কৰা জন্মদিনৰ প্ৰতিটো মূহূৰ্ত বিশেষ হৈ উঠক ভিকি-কেটৰিনাৰ বাবে৷
Continue Reading
