মনোৰঞ্জনৰ জৰিয়তে ভাৰতৰ জনসাধাৰণক সদায় মুগ্ধ কৰি আছে বলীউডে ৷বিভিন্ন ঘটনাৰ বাবে আজিকালি প্ৰায়েই চৰ্চাত থাকে বলীউড৷ কিন্তু চৰ্চাৰ কাৰণ সদায় ইতিবাচক নহ’বও পাৰে৷ প্ৰায়েই বিভিন্ন বিষয়ৰ বাবে সমালোচিত হৈছে বলীউড৷ বহু তাৰকাই কাৰাগাৰৰ কুঠৰিয়ো দৰ্শন কৰিব লগীয়া হৈছে৷ আনকি এই বলীউডৰে বহু অভিনেতা-অভিনেত্ৰী আইনী তদন্তৰো মুখামুখি হৈছে৷ আইনী তদন্তৰ মুখামুখি হোৱা তাৰকাৰ তালিকাখন যথেষ্ট দীঘল৷ এই তালিকাখনত বলীউডৰ অন্যতম শ্ৰেষ্ঠ অভিনেত্ৰী দিপিকা পাদুকনৰ পৰা ৰিয়া চক্ৰৱৰ্তীলৈকে নাম সাঙোৰ খাই আছে৷
এই তালিকাখনত আছে মোহময়ী অভিনেত্ৰী জ্যাকলিন ফার্নান্দেজৰ নাম৷ জ্যাকলিনৰ ওপৰত সুকেশ চন্দ্ৰশেখৰৰ পৰা কোটিটকীয়া উপহাৰ গ্ৰহণ কৰাৰ বিৰুদ্ধে অভিযোগ আৰোপ কৰা হৈছিল৷ এই বিষয়ে ইতিমধ্যে জ্যাকলিনক সোধা-পোছা কৰা হৈছে আৰু অতি সোনকালেই চাৰ্জশীট দাখিল কৰা হ’ব৷
সুৰেশ চন্দ্ৰশেখৰৰ মানিলেডিং গোচৰত জ্যাকলিন ফার্নান্দেজৰ লগতে নোৰা ফাতেহিৰো নাম সাঙোৰ খাই পৰিছে৷ এই বিষয়ে নোৰা ফাতেহিক ইতিমধ্যে সোধা-পোছা কৰা হৈছে৷
সুশান্ত সিং ৰাজপুতৰ আত্মহত্যা সম্পৰ্কীয় গোচৰত আটক কৰা হৈছিল তেওঁৰ প্ৰেমিকা ৰিয়া চক্ৰৱৰ্তীক৷
এই বিষয়ত এডি (Enforcement Directorate) আৰু এনছিবি এই দুয়োটা সংগঠনে ৰিয়া চক্ৰৱৰ্তীৰ ওপৰত তদন্ত কৰিছিল৷আনহাতে ড্ৰাগছ ক্ৰয়ৰ অভিযোগত পুনৰ ৰিয়া চক্ৰৱৰ্তীৰ ওপৰত চাৰ্জশীট দাখিল কৰা হৈছে৷ ৰিয়াৰ ওপৰত সুশান্তৰ বাবে ড্ৰাগছ সৰবৰাহৰ অভিযোগ অনা হৈছে৷ ইয়াৰ পিছত ৰিয়া চক্ৰৱৰ্তীক পুনৰ বিপদে দেখা দিয়াৰ সম্ভাৱনা আছে৷
সুশান্তৰ মৃত্যুৰ পিছতে বলীউডত ড্ৰাগছ সৰবৰাহৰ কথা অধিক চৰ্চিত হৈ উঠিছিল৷ এই গোচৰতে জনপ্ৰিয় অভিনেত্ৰী দিপিকা পাদুকনকো সোধাপোছা কৰিছিল এনছিবিয়ে৷
আনকি এনছিবিয়ে সোধা-পোছা কৰিছিল শ্ৰদ্ধা কাপুৰকো৷ এনছিবিয়ে এই সম্পৰ্কত অভিনেত্ৰী গৰাকীক ঘন্টা জোৰা জেৰা কৰিছিল বুলি জানিব পৰা গৈছে৷
অভিনেত্ৰী তাপসী পান্নুৰ ঘৰত ২০২১ চনত আয়কৰ বিভাগে তালাচী চলাইছিল৷তাপসীৰ ওপৰত কৰ ফাঁকিৰ আৰোপ লগাইছিল আয়কৰ বিভাগে৷ এই অভিযোগত অভিনেত্ৰী গৰাকীক বহু দিনলৈ জেৰা কৰিছিল আয়কৰ বিভাগে৷
পানামা পেপাৰ ফাদিল কৰাৰ গোচৰত অভিযুক্ত হৈছিল আন এগৰাকী জনপ্ৰিয় অভিনেত্ৰী ঐশ্বৰ্য ৰায় বচ্চন৷এই সম্পৰ্কে অভিনেত্ৰী গৰাকীক Enforcement Directorate য়ে দীৰ্ঘকালীন জেৰা চলাইছিল৷
Continue Reading
