ডিজিটেল ডেস্কঃ একাংশ মহিলা মল্লযোদ্ধাক যৌন নিৰ্যাতন চলোৱাৰ অভিযোগত অভিযুক্ত ৰেছলিং ফেডাৰেচন অৱ ইণ্ডিয়াৰ মুৰব্বী ব্ৰিজ ভূষণ শৰণ সিঙৰ সমৰ্থনত অহা সপ্তাহতঅযোধ্যাৰ সাধুৰ এটা দলে এক সমদল কৰিব। সাধুসকলে লগতে কয় যে তেওঁলোকে যৌন অপৰাধৰ পৰা শিশুক সুৰক্ষা দিয়া পকচো আইনৰ বিৰুদ্ধেও প্ৰতিবাদ কৰিব।
সেইসকলল সাধুৱে দাবী কৰে যে "আইন খনত বহুতো ত্ৰুটি তথা ত্ৰুটিপূৰ্ণ ধাৰা আছে"। সাক্ষী মালিক, বিনেশ ফোগাট আৰু বজৰং পুনিয়াকে ধৰি দেশৰ শীৰ্ষ মল্লযোদ্ধাসকলে ভাৰতীয় কুস্তি ফেডাৰেচন (ডব্লিউএফআই)ৰ মুৰব্বী তথা বিজেপিৰ সাংসদ সিঙৰ বিৰুদ্ধে গুৰুতৰ অভিযোগ উত্থাপন কৰিছে। যৌন নিৰ্যাতনৰ অভিযোগত সুঙক গ্ৰেপ্তাৰ কৰাৰ দাবী উঠিছে।
কিন্তু চৰকাৰে এই বিষয়ত কোনো গুৰুত্বই দিয়া নাই। বিজেপিৰ নেতা হোৱা বাবেই চৰকাৰে সিঙক ৰক্ষণাবেক্ষণ দিয়াৰো অভিযোগ উঠিছে। অযোধ্যাৰ সাধুসকলে কৈছে যে তেওঁলোকে ৫ জুনত অযোধ্যাৰ ৰাম কথা উদ্যানত সিঙৰ সমৰ্থনত সমদল উলিয়াব।এই সন্দৰ্ভত মহন্ত সতীয়েন্দ্ৰ দাসে কয়" আমি অযোধ্যাৰ সাধুসকল আৰু দেশৰ অন্যান্য ধৰ্মীয় স্থানৰ লোকসকলে ব্ৰিজ ভূষণ শৰণ সিঙৰ সপক্ষে সমদল অনুষ্ঠিত কৰিম," ।
মহন্ত সতীয়েন্দ্ৰ দাসে লগতে কয় যে তেওঁলোকে পকচো আইনৰো বিৰোধিতা কৰিব কিয়নো আইনখনত বহুতো ত্ৰুটি আৰু ত্ৰুটিপূৰ্ণ ধাৰা আছে। ব্ৰিজ ভূষণ শৰণ সিঙৰ এজন ঘনিষ্ঠ সহযোগী আৰু ব্যক্তিগত সহায়ক সুভাষ সিঙে কয়, "দেশৰ জ্যেষ্ঠ সাধুসকলৰ আহ্বানত সমদলটোৰ আয়োজন কৰা হৈছে।" হৰিদ্বাৰ, কাশী, মথুৰা আৰু দেশৰ অন্যান্য মন্দিৰকে ধৰি বিভিন্ন স্থানৰ সাধুসকলে সমদলটোত অংশগ্ৰহণ কৰিব বুলিও তেওঁ কয়।
Continue Reading
