ডিজিটেল ডেস্কঃ বৰ্তমান সময়ত জয়া কিশোৰীক চিনি নোপোৱা মানুহ খুব কমেই ওলাব। তেওঁ এগৰাকী বিখ্যাত প্ৰেৰণাদায়ক বক্তা। সমগ্ৰ দেশতে তেওঁৰ লাখ লাখ অনুৰাগী আছে। যেতিয়াই তেওঁ কোনো বক্তৃতা দিবলৈ যায়, তেতিয়াই অগণন মানুহৰ ভিৰ হয়। মানুহে তেওঁৰ কথাবোৰ অতি মনোযোগেৰে শুনি নিজৰ জীৱনটো ভালদৰে পৰিচালিত কৰিবলৈ সাহস পায়।
আজিকালি জয়া কিশোৰীৰ বিয়াক লৈ চৰ্চা চলি আছে। কিছুদিনৰ আগতে তেওঁৰ নাম বাগেশ্বৰ ধামৰ ধীৰেন্দ্ৰ কৃষ্ণ শাস্ত্ৰীৰ লগত জড়িত কৰা হৈছিল। যদিও বাগেশ্বৰ বাবাই নিজেই এই আলোচনাক উৰাবাতৰি বুলি অভিহিত কৰিছিল। ইয়াৰ কোনো সত্যতা নাই বুলিও তেওঁ স্পষ্ট কৰি দিছিল। এতিয়া বিবাহক লৈ চলি থকা আলোচনাৰ সন্দৰ্ভত জয়া কিশোৰীয়ে কিছু কথা ব্যক্ত কৰিছে।
জয়া কিশোৰীয়ে কয় যে তেওঁৰ তাৎক্ষণিক বিবাহৰ কোনো পৰিকল্পনা নাই আৰু এতিয়াও বহু সময় আছে। দ্বিতীয় কথাটো হ’ল তেওঁ সেই মানুহজনক বিয়া কৰাব, যিজন তেওঁৰ এটা ডাঙৰ চৰ্ত মানি ল’বলৈ সাজু, নহ’লে তেওঁ কেতিয়াও বিয়া নকৰায়।
জয়া কিশোৰীয়ে কয় যে তেওঁ সেইজন ব্যক্তিক বিয়া কৰাবলৈ সাজু, যিজনে জয়াৰ মাক-দেউতাকক ওচৰতে ৰাখিবলৈ সাজু হ’ব। কলকাতাৰ ল’ৰা হ’লে ভাল। বাহিৰৰ ল’ৰা হ’লেও মাক-দেউতাকক নিজৰ ঘৰত বা ওচৰতে ৰাখিবলৈ মান্তি হ’ব লাগিব। জয়াই কয় যে মাক-দেউতাকৰ অবিহনে তেওঁ নিজৰ জীৱনটো কল্পনা কৰিব নোৱাৰে। গতিকে তেওঁৰ হ’বলগীয়া স্বামীয়ে এই চৰ্তটো পূৰণ কৰিলেহে তেওঁ বিয়াৰ কথা চিন্তা কৰিব।
Continue Reading
