ডিজিটেল ডেস্কঃ এগৰাকী চুপাৰ মডেল।তেওঁ চুপাৰমডেল জিজি হাদিদ। বিশ্বত খ্যাতি থকা চুপাৰ মডেলগৰাকীকে বৰুণ ধাৱানে চুমা খাইছিল। ফলত বহুতৰে ৰোষত পৰিছিল বৰুণ ধাৱান। এইবাৰ প্ৰযোজক বনি কাপুৰৰ বিৰুদ্ধে আন্তৰ্জাতিক তাৰকাগৰাকীৰ শৰীৰত অশালীনভাৱে স্পৰ্শ কৰাৰ অভিযোগ উত্থাপন হৈছে।
শেহতীয়াকৈ নীতা আম্বানীৰ সাংস্কৃতিক কেন্দ্ৰ উদ্বোধনী অনুষ্ঠানত বলীউডৰ লগতে হলিউডৰ তাৰকাসকল উপস্থিত আছিল। টম হ'লেণ্ড, জেণ্ডায়াৰ লগতে জিজি হাদিদেওঅনুষ্ঠানত সকলোৰে দৃষ্টি আকৰ্ষণ কৰিছিল। তেওঁ কেইবাগৰাকীও তাৰকাৰ সৈতে কেমেৰাৰ সন্মুখত পোজ দিছিল। বনি কাপুৰে আন্তৰ্জাতিক চুপাৰমডেল জিজিৰ সৈতেও ফটো তুলিছিল। ফটো উঠাৰ সময়তে বনি কাপুৰে চুপাৰ মডেলগৰাকীৰ কঁকালত হাত ৰাখিছিল।
View this post on Instagram
নেটিজেনৰ এটা অংশই এনেদৰে চুপাৰমডেলৰ শৰীৰত বনিয়ে হাত দিয়াত প্ৰতিক্ৰিয়া ব্যক্ত কৰিছে। বলীউডৰ প্ৰযোজকজনক ব্যাপক হাৰত ট্ৰ'ল কৰা হৈছে। বহুতে লিখিছে "কাষ্টিং কাউচত বহু ছোৱালীৰ জীৱন ধ্বংস কৰিও বনি কাপুৰৰ যেন হুতাশ পলোৱা নাই", আন কিছুমানে লিখিছে "কামুক বৃদ্ধ, ইংৰাজকো এৰি যোৱা নিদিলে"। 
উল্লেখ্য বৰুণ ধাৱানে এদিন মঞ্চত নাচি থাকোতে জিজিক কোলাত তুলি লৈছিল। হঠাতে তেওঁ জিজিৰ গালত চুমা খাইছিল। ঘটনাটোৰ ভিডিঅ' বিয়পি পৰাৰ লগে লগে সমালোচনা আৰম্ভ হৈছিল। পিছত দাবী কৰা হৈছিল যে বিষয়টো পূৰ্ব পৰিকল্পিত আছিল। ইফালে, জিজিয়ে কয় যে বৰুণে তেওঁৰ বলীউডৰ সপোন পূৰণ কৰিছে। এইবাৰ বনিৰ আচৰণকলৈ লৈ এক নতুন বিতৰ্কৰ সৃষ্টি হৈছে।
Continue Reading
