বক্স অফিচত কংগনাৰ ফ্লপৰ অভিলেখ; ৭০ কোটি টকা ব্যয়সাপেক্ষে নিৰ্মাণ কৰা ‘তেজস’ত লোকচান ৫০ কোটি টকা

এসময়ত বক্স অফিচত আধিপত্য বিস্তাৰ কৰা কংগনাৰ ভাগ্যত এতিয়া কেৱল ব্যৰ্থতাহে। এই উৎসৱৰ বতৰত মুক্তি পালে তেওঁৰ নতুন ছবি ‘তেজস’। বলীউডৰ কুইন ছবিখনক লৈ আশাবাদী আছিল। কিন্তু এখন দেশপ্ৰেমমূলক ছবিত অভিনয় কৰাৰ পাছতো বক্স অফিচত ব্যৰ্থ হৈছে কংগনাৰ ছবি ‘তেজস’। তেওঁৰ অভিনীত ছবি চোৱাৰ উৎসুকতা নাই দৰ্শকৰ মাজত। শেহতীয়াকৈ জনপ্ৰিয় বলীউডৰ অভিনেত্ৰী কংগনা ৰানাৱটৰ চিনেমা তেজসকো দৰ্শকে কৰিছে প্ৰত্যাখ্যান। বহু ছবিগৃহত দৰ্শকৰ অনুপস্থিতিৰ বাবে বাতিল কৰা হৈছে দৰ্শনী। ফ্লপৰ ধাৰাবাহিকতাই কংগনা ৰাণাৱটৰ কেৰিয়াৰলৈ নমাই আনিছে কলংক৷

দেশৰ সকলো ঠাইতে হলৰ পৰা কংগনাৰ এই ছবিখন যেন সৰি পৰিছে। ২০১৫ চনত মুক্তি পোৱা ‘তনু ৱেডছ মনু’ ছবিখনে বক্স অফিচত ভাল প্ৰদৰ্শন কৰিছিল। ‘তনু ৱেডছ মনু’ৰ পিছত কংগনাই দিব নোৱাৰিলে এখনো হিট ছবি। শেহতীয়াকৈ কংগনা ৰানাৱট অভিনীত ছবি ‘তেজস’ত ৫০ কোটি টকাৰ লোকচান হৈছে৷। ৰনি স্ক্ৰিভালাৰ প্ৰযোজক এই ছবিখন ২৭ অক্টোবৰত মুক্তি লাভ কৰে। দৰাচলতে এই চিনেমাখন ৭০ কোটি টকা ব্যয় কৰি নিৰ্মাণ কৰা হৈছিল। কিন্তু সেইদৰে দেশত উপাৰ্জন কৰিব নোৱাৰিলে ছবিখনে। বহিঃৰাজ্যৰ মাটিতো মাত্ৰ ৭০ লাখ টকাৰ ব্যৱসায় কৰিবলৈ সক্ষম হৈছে চিনেমাখনে। ‘তেজস’ৰ অ’টিটি ৰাইট, চেটেলাইট আৰু মিউজিক ৰাইট বিক্ৰী কৰি মুঠ ১৭ কোটি টকা লাভ কৰিছিল প্ৰযোজকে। ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত বিৰ্তকৰ জৰিয়তে ছবিখনৰ বক্স অফিচ সংগ্ৰহ হয় মাত্ৰ ২ কোটি ২৩ লাখ টকা।

প্ৰসংগক্ৰমে কংগনাৰ ৫ খন ছবি একেৰাহে ফ্লপ হৈছিল। 'থালাইভি'কে ধৰি ৮৫ কোটি টকাৰ ‘ঢকৰে’ বক্স অফিচত আশাৰ পোহৰ দেখা নাপালে। ছেপ্টেম্বৰ মাহত মুক্তি পোৱা ‘চন্দ্ৰমুখী ২’ৰ ফলাফলো চিনেমাৰ বজাৰত বহুত বেয়া! ইয়াৰ পূৰ্বে কংগনাৰ জজমেণ্টেল হাই কিয়া, পাংগা আদি ছবিয়ে হিট ছবিৰ মুখ দেখা পোৱা নাই। এইবাৰ হুংকৰে যুঁজাৰু পাইলটৰ ভূমিকা এৰি দিলে, কিন্তু দেশপ্ৰেমৰ কৌশলে কাম নকৰিলে! বক্স অফিচৰ ককপিটত পুনৰ ব্যৰ্থ কংগনা ৰাণাৱত। মুঠতে ফ্লপৰ ক্ষেত্ৰত অভিনেত্ৰীগৰাকীয়ে এক অভিলেখ গঢ়ি তুলিছে। এতিয়া প্ৰশ্ন হয় কংগনাৰ আগন্তুক বহু প্ৰত্যাশিত ‘ইমাৰজেন্সী’ ছবিখনে বক্স অফিচত যাদু দেখুৱাব পাৰিবনে? নে এইখনো প্ৰত্যাখ্যান কৰিব দৰ্শকে? সেয়া মুক্তিৰ পাছতহে গম পোৱা যাব৷