ডিজিটেল ডেস্কঃ বিহাৰৰ হাজীপুৰত দেওবাৰে নিশা (৪ আগষ্ট) সংঘটিত হৈছে এক কৰুণ ঘটনা। এখন ডিজে গাড়ীয়ে উচ্চ বিদ্যুৎ পৰিবাহী তাঁৰত খুন্দা মৰাৰ ফলত ব’লব’মত যোৱা ৯জন ভক্তৰ মৃত্যু হয়। কেইবাজনো আহত হৈছে। আহতসকলক জিলা চিকিৎসালয়ত ভৰ্তি কৰোৱা হৈছে। সোমবাৰে হৰিহৰনাথ মন্দিৰত কানৱৰীয়া ব’লব’ম ভক্তই জলাভিষেক কৰিবলৈ গৈ আছিল। খবৰ অনুসৰি এই ভক্তসকল হাজীপুৰ থানা এলেকাৰ অন্তৰ্গত চুলতানপুৰ গাঁৱৰ বাসিন্দা আছিল।
এই দুৰ্ঘটনা সংঘটিত হৈছে হাজীপুৰ ঔদ্যোগিক থানা এলেকাৰ চুলতানপুৰত। ইয়াত শাওণ মাহত গাঁৱৰ ল’ৰাবোৰে প্ৰতি সোমবাৰে ওচৰৰ হৰিহৰনাথ মন্দিৰলৈ গৈ জলাভিষেক কৰিছিল। আনকি দেওবাৰৰ নিশাও ল’ৰাকেইটা জলাভিষেকৰ বাবে ওলাই গৈছিল। এই ল’ৰাকেইটাই যাত্ৰাৰ বাবে ট্ৰেক্টৰ-ট্ৰলীত ডিজেৰ ব্যৱস্থাও কৰিছিল।
এই গাঁৱৰ পথৰ দুৰৱস্থাৰ বাবে গাড়ীখন পথৰ ওপৰেৰে পাৰ হৈ যোৱা উচ্চ বিদ্যুৎ পৰিবাহী তাঁৰত খুন্দা মাৰে। বিদ্যুৎ প্ৰবাহৰ বাবে গাড়ীত উঠি থকা ল’ৰাবোৰ জ্বলি যোৱাত থিতাতে মৃত্যু হয় ৯জনৰ।
এই দুৰ্ঘটনাৰ খবৰ বৃহৎ সংখ্যক আৰক্ষী বাহিনীৰ সৈতে এছডিএমৰ ওচৰ পোৱাৰ লগে লগে স্থানীয় ৰাইজে হুলস্থুলীয়া পৰিৱেশৰ সৃষ্টি কৰে। স্থানীয় ৰাইজে অভিযোগ কৰে যে বিদ্যুৎ বিভাগৰ গাফিলতিৰ বাবেই দুৰ্ঘটনা সংঘটিত হৈছে।
আৰক্ষীয়ে ট্ৰলীৰ পৰা আটাইকেইটা মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
Continue Reading
