ডিজিটেল ডেস্কঃ বিহাৰ চৰকাৰে নিৰ্দেশ দিছে যে ৰাজ্যৰ বাসিন্দাসকলে তেওঁলোকৰ বাহন পঞ্জীয়ন আৰু ড্ৰাইভিং লাইচেন্স (ডি এল)ৰ সৈতে সংযুক্ত মোবাইল নম্বৰ আৰু ঠিকনা আপডেট কৰিব লাগিব। বিহাৰ পৰিবহন বিভাগে সকলো জিলা পৰিবহণ বিষয়া (ডি টি অ’)লৈ এই নিৰ্দেশনা জাৰি কৰি কয় যে যিসকল বাসিন্দাই এই নিৰ্দেশ মানি নচলে তেওঁলোকক জৰিমনা বিহাৰ লগতে বাহন পঞ্জীয়ন আৰু ডি এল দুয়োটাৰে সম্ভাৱ্য নিলম্বন জাৰি কৰিব।
মটৰ বাহন আইনৰ ৪৯ নং ধাৰা অনুসৰি বাহনৰ মালিকে ৩০ দিনৰ ভিতৰত তেওঁলোকৰ ঠিকনাত যিকোনো পৰিৱৰ্তন হ’লে যোগ্য কৰ্তৃপক্ষক অৱগত কৰিব লাগিব। অমান্য হ’লে নিয়ম অনুসৰি ব্যৱস্থা গ্ৰহণ কৰা হ’ব।
পৰিবহণ সচিব সঞ্জয় কুমাৰ আগৰৱালাই চালকসকলক বাহন আৰু সাৰথি পৰ্টেলত নিজৰ মোবাইল নম্বৰ আপডেট কৰাৰ বাবে এমাহৰ সময়সীমা ঘোষণা কৰে।পাছত যদি তথ্যসমূহ পুৰণি হৈ থাকে তেন্তে সংশ্লিষ্ট চালক বা বাহনৰ মালিকৰ বিৰুদ্ধে বিভাগে ব্যৱস্থা গ্ৰহণ কৰিব।লগতে পৰিবহণ বিভাগে উল্লেখ কৰে যে বহু চালকৰ বাহন পঞ্জীয়ন আৰু ডি এলৰ সৈতে জড়িত ম’বাইল নম্বৰ আৰু ঠিকনা পুৰণি হৈ গৈছে। ইয়াৰ ফলত দুৰ্ঘটনা বা অন্যান্য ঘটনাৰ ক্ষেত্ৰত বাহনৰ মালিক বা চালক চিনাক্তকৰণত অসুবিধাৰ সৃষ্টি হয়। ইয়াৰ উপৰিও ট্ৰেফিক উলংঘাৰ বাবে ই-চালান জাননীসমূহ প্ৰেৰণ কৰাত অসুবিধাৰ সৃষ্টি হয়।
Continue Reading
