ডিজিটেল ডেস্কঃ শ্বাহৰুখ খানৰ পাঠান ছবি খনে ভংগ কৰি গৈছে ইটোৰ পিছত সিটোকৈ অভিলেখ৷ অগ্ৰিম বুকিঙৰ ক্ষেত্ৰত পাঠানে পূৰ্বৰ সকলো অভিলেখ ভংগ কৰাৰ পিছত এইবাৰ বলীউডৰ শীৰ্ষ উপাৰ্জনকাৰী ১০ খন ছবিৰ ভিতৰত এখন হ’বলৈ ওলাইছে৷
লক্ষ্যণীয় কথাটো হ’ল ছদিনৰ ভিতৰত পাঠান ছবি খনে যি হাৰত উপাৰ্জন কৰিছে সেয়া হয়তো আৰু কিছুদিনলৈ অব্যাহত থাকিব৷ বলীউডত এতিয়ালৈকে শাৰ্ষ উপাৰ্জনকাৰী ছবিৰ ভিতৰত দংগল ছবি খন প্ৰথম স্থানত আছে৷ ভাৰতত দংগলে উপাৰ্জন কৰা ধনৰ পৰিমাণ হৈছে ৩৮৭ কোটি টকা৷ এই ক্ষেত্ৰত পাঠানে দেশ তথা বিদেশত ছটা দিনত উপাৰ্জন কৰা ধনৰ পৰিমাণ ৪০০ কোটি টকাৰ ওপৰত৷ অৱশ্যে এই ধনৰ পৰিমাণৰ ভিতৰত পাঠানৰ হিন্দী সংস্কৰণৰ লগতে আন দিটা ভাৰতীয় ভাষাৰ সংস্কৰণৰ উপাৰ্জনো অব্যাহত আছে৷
কেৱল হিন্দী সংস্কৰণৰ ক্ষেত্ৰত ছটা দিনত পাঠানৰ উপাৰ্জন ২২০ কোটি টকা বুলি তথ্য পোৱা গৈছে৷ সেই ক্ষেত্ৰত পাঠানে হিন্দী সংস্কৰণেৰে অতি শীঘ্ৰে ৩৮০ কোটিৰ পূৰ্বৰ অভিলেখ ভংগ কৰিবলৈ সক্ষম হ’ব বুলি ধাৰণা কৰা হৈছে৷
উল্লেখ্য ২০১৩ চনত মুক্তি পোৱা বলীউডৰ ‘ধূম ৩’ ছবি খনৰ উপাৰ্জন আছিল প্ৰায় ২৮৪ কোটি টকা৷ অজয় দেৱগনৰ ‘তনহাজী’ছবি খনে প্ৰায় ২৮০ কোটি টকা সংগ্ৰহ কৰি শীৰ্ষ ঠবিৰ তালিকাৰ দশম স্থানত আছিল৷ চাৰি বছৰৰ পিছত বলীউডলৈ প্ৰ্যাৱৰ্তন কৰিয়েই শ্বাহৰুখ খানৰ ছবি খনে অভিলেখ গঢ়াৰ কথাই বাদশ্বাহৰ অনুৰাগীসকলক আনন্দিত কৰি তোলা পৰিলক্ষিত হৈছে৷
Continue Reading
