ডিজিটেল ডেস্ক
এটাৰ পিছত আন এটা উত্তৰ প্ৰদেশৰ গণধৰ্ষণৰ ঘটনাই শিৰোনামা দখল কৰিছে সংবাদ মাধ্যমৰ৷ যোগী আদিত্যনাথৰ যোগস্থলীত কোনো এগৰাকী নাৰীও এতিয়া সুৰক্ষিত নহয়৷ এইবাৰ পোহৰলৈ আহিছে আন এক ঘৃণনীয় ধৰ্ষণকাণ্ড৷
উত্তৰ প্ৰদেশৰ বাৰাবাঁকীৰ এখন গাঁৱত এগৰাকী মহিলাক বলপূৰ্বকভাৱে সুৰা পান কৰিবলৈ বাধ্য কৰাৰ পিছত চাৰিজন পুৰুষে ধৰ্ষণ কৰাৰ অভিযোগ উত্থাপিত হৈছে ৷ এইকথা আৰক্ষীয়ে দেওবাৰে সংবাদ মাধ্যমক জানিবলৈ দিয়ে। ধৰ্ষণকাণ্ডটোৰ মূল অভিযুক্তজনক গ্ৰেপ্তাৰ কৰা হৈছে আৰু এখন এজাহাৰ পঞ্জীয়ন কৰা হৈছে।
অভিযোগ অনুসৰি, মহিলাগৰাকীক এই সপ্তাহৰ আৰম্ভণিতে এজন পুৰুষে পুখুৰীলৈ লৈ গৈছিল য'ত আন তিনিজন পুৰুষো উপস্থিত আছিল। চাৰিজনে মহিলাগৰাকীক সুৰা পান কৰিবলৈ বাধ্য কৰিছিল আৰু তাৰ পিছতে চাৰিজন লম্পটে ধৰ্ষণ কৰিছিল মহিলাগৰাকীক৷
অতিৰিক্ত আৰক্ষী অধীক্ষক পূৰ্ণেন্দু সিঙে জানিবলৈ দিয়ে যে, মহিলাগৰাকীয়ে তেওঁৰ স্বামীৰ সৈতে শনিবাৰে আৰক্ষীৰ কাষ চাপিছিল আৰু ঘটনা সন্দৰ্ভত অভিযোগ দাখিল কৰিছিল। এখন এজাহাৰ পঞ্জীয়ন কৰা হৈছে আৰু মূল অভিযুক্ত দেৱী দীনক গ্ৰেপ্তাৰ কৰা হৈছে। ঘটনা সন্দৰ্ভত পৰৱৰ্তী তদন্ত চলাই আছে আৰক্ষীয়ে৷
Continue Reading
