বৰমালা পিন্ধোৱাৰ সময়তে দৰাৰ সৰি পৰিল চুলি! কইনাই লগালে হুলস্থূল; বিয়া বাতিল

বিয়াৰ সকলো ৰীতি-নীতি সুন্দৰকৈ চলি আছিল। পাছে দৰা-কইনাই মালা পিন্ধোৱাৰ সময়তে লাগিল লেঠা। দৰা-কইনাই হাতত মালা লৈ ইজনে সিজনৰ ফালে আগবাঢ়ি গৈ থাকোঁতেই দৰা পংকজৰ মূৰ ঘূৰায় আৰু তেওঁ অচেতন হৈ ঢলি পৰে। বিবাহ চলি থাকোতেই দৰা অচেতন হোৱাত কইনাঘৰত হাহাকাৰৰ সৃষ্টি হয়। কইনাৰ ভায়েক নীতিন আৰু বিপিনে খৰধৰকৈ দৰাক চোফাত শুৱাই দিয়ে আৰু মুখত পানী ছটিয়াই চুলিখিনিত হাত ফুৰাই দিছিল। তেনেতে হঠাতে দৰাৰ চুলিখিনি সৰি নীতিনৰ হাতত পৰে। দৰাৰ সেই ৰূপ দেখি সকলো হতভম্ব হৈ উঠে।

 

তেতিয়াহে সকলোৱে গম পায় যে দৰা আচলতে তপাহে। নিজৰ তপা মূৰ ঢাকিবৰ বাবে তেওঁ উইগ পিন্ধি আছিল। দৰাক তপা দেখি কইনা খঙে-দুখে উতলা হৈ পৰিল। কাৰণ বিয়া ঠিক কৰাৰ সময়ত পংকজৰ মূৰত চুলি আছিল। কইনা নিশাই ঠাইতে বৰমালা দলিয়াই পৰিয়ালৰ লোকক কয় যে এই বিয়া হ'ব নোৱাৰে। কাৰণ তেওঁক ঠগবাজি কৰা হ'ল। এজন ঠগ দৰাৰ লগত জীৱন কটাব নোৱাৰো বুলি স্পষ্টকৈ জনায় কইনা নিশাই। অৱশেষত কইনা অবিহনে খালী হাতেৰে উভতে দৰাপক্ষ। কইনাৰ খুড়াকে কয় যে দৰাৰ পৰিয়ালে ''দৰা তপা বুলি লুকুৱাব নালাগিছিল। সঁচা কথাটো আগতেই গম পোৱা হ'লে আমি কইনাগৰাকীক মানসিকভাৱে প্ৰস্তুত কৰিব পাৰিলোহেঁতেন আৰু তেওঁ এতিয়া পোৱাৰ দৰে মানসিক আঘাত নাপালেহেঁতেন। মিছা কথাৰ ভিত্তিত বিয়া কেতিয়াও পাতিব নোৱাৰি। গতিকে এই বিয়া বাতিল কৰাটোৱেই আমি মংগলজনক বুলি ভাবিলো।'' 

আৰু পঢ়কঃ গৰমত দেহা-মন শাঁত পেলোৱাই নহয়..নাৰিকল পানীৰ আছে আৰু অনেক গুণাগুণ