বংগত মমতাৰ ভেটি খহাবলৈ শ্বাহ আৰু নাড্ডাৰ উদ্যোগত ১৫ জনীয়া সমিতি গঠন

কমিটিৰ  নেতাসকলৰ দায়িত্ব হ'ব কোনে, ক'ত, কেনেকৈ প্ৰচাৰ চলাব, কোনবোৰ কেন্দ্ৰীয় নেতা ৰাজ্য খনলৈ যাব আদি। বিজেপিৰ পশ্চিমবংগ ৰাজ্যিক সমিতিৰ বৈঠক বুধবাৰে অনুষ্ঠিত হোৱাৰ সম্ভাৱনা আছে বুলি বিশেষ  সূত্ৰই প্ৰকাশ কৰিছে।  বিজেপিয়ে ২০২৪ চনৰ লোকসভা নিৰ্বাচনৰ প্ৰতি লক্ষ্য ৰাখি সতৰ্কতাৰে  আগবাঢ়িব বিচাৰে। বিজেপিৰ কেন্দ্ৰীয় নেতাসকলে বংগৰ পৰা অধিক আসন বিচাৰিছে। সেইকাৰণে অমিত শ্বাহ আৰু জে পি নাড্ডাই বংগ ভ্ৰমণ কৰিবলৈ আহিছে। অমিত শ্বাহে ৰাজ্যখনলৈ আহিয়েই  আৰু এটা 'নিৰ্বাচন ব্যৱস্থাপনা দল' গঠন কৰিছে। তালিকাখন ১৫ জন লোকৰে গঠিত। ৰাজ্যিক বিজেপিৰ মূল সমিতিৰ সকলো সদস্যই নিৰ্বাচনী মূল দলত স্থান পোৱা নাই। আনকি চাৰিজন কেন্দ্ৰীয় মন্ত্ৰীয়েও ঠাই পোৱা নাই। বিজেপিৰ সভাখন মঙলবাৰে বংগৰ বিধাননগৰৰ এখন হোটেলত অনুষ্ঠিত হয় ।