ডিজিটেল ডেস্কঃ কেৰালাৰ জনসাধাৰণে গঢ়িলে এক অভিলেখ। সুৰা সেৱনৰ নামত এই অভিলেখ গঢ়ে কেৰালাবাসীয়ে। কেৰালাত ওনাম উৎসৱ অতি ধুমধামেৰে পালন কৰা হয়।
কেৰালাৰ জনসাধাৰণে চলিত বৰ্ষৰ ওনামৰ সময়ত প্ৰথম ৯ দিনত ৬৬৫ কোটি টকাৰ সুৰা সেৱন কৰে। ওনাম উৎসৱৰ বাবে বুধবাৰ আৰু বৃহস্পতিবাৰে কেৰালাত দুদিনৰ বাবে সুৰাৰ বিপণী বন্ধ হৈ পৰে। অৰ্থাৎ এই বিক্ৰী মাত্ৰ ৭-৮ দিনতহে কৰা হৈছে।
যোৱা বছৰ ওনামৰ সময়ত কেৰালাৰ ৰাইজে ৬২৪ কোটি টকাৰ সুৰা সেৱন কৰিছিল। এই পৰিসংখ্যা ইছৰোৰ শেহতীয়া চন্দ্ৰ অভিযানৰ খৰচতকৈও অধিক।
প্ৰায় ৬০০ কোটি টকা ব্যয় সাপেক্ষে চন্দ্ৰযান-৩ অভিযান সম্পূৰ্ণ কৰিছে ইছৰোৱে। মানে কেৰালাৰ জনসাধাৰণে ওনাম উদযাপন কৰাৰ সময়ত ইছৰ’ৰ চন্দ্ৰযান অভিযানৰ মুঠ খৰচতকৈ অধিক মদ খাইছিল।
Continue Reading
