ডিজিটেল ডেস্কঃ প্ৰেমত পৰিলে মানুহে সকলো কৰিবলৈ সাহস পায়। অসম্ভৱকো সম্ভৱ কৰিব বিচাৰে। কানপুৰত এনে এক ঘটনা সংঘটিত হৈছে, যিটো ঘটনাই সকলোতে চৰ্চা লাভ কৰিছে। এজন প্ৰেমিকে প্ৰেমিকাক লগ কৰিবলৈ বোৰ্খা পিন্ধি প্ৰেমিকাৰ গাঁৱত উপস্থিত হৈছিল। প্ৰেমিকাক লগ পোৱাৰ আগতেই প্ৰেমিক পৰিল বিপদত। ভৰিৰ জোতা দেখি মানুহে তেওঁক সোপাধৰা বুলি মাৰপিট কৰে। বোৰ্খাৰ তলত জোতা দেখি গাঁৱৰ মানুহে ভাবিছিল যে এইজনে গাঁৱৰ শিশু চুৰি কৰিবলৈ আহিছে। মাৰ খাই প্ৰেমিকজনে সকলো কথা খুলি কয়।
এই আমোদজনক ঘটনা কানপুৰৰ ঘাটামপুৰ অঞ্চলত ঘটিছে। প্ৰেমিকৰ নাম আনছাৰ। আনছাৰে প্ৰেমিকাক লগ কৰিবলৈ বোৰ্খা পিন্ধি ৰাওনা হল। প্ৰেমিকাৰ ঘৰৰ আশে-পাশে বুৰ্খা পিন্ধি প্ৰেমিকাক লগ কৰিবলৈ চেষ্টা কৰি আছিল যদিও আনছাৰে এটা ভুল কৰিলে। ভুলটো হ’ল যে যুৱকজনে পেণ্ট-চাৰ্ট পিন্ধি গাঁৱত উপস্থিত হ’ল, কিন্তু গাঁৱৰ ভিতৰত সোমাওঁতে বোৰ্খা পিন্ধিলে। এই সময়ছোৱাত তেওঁ জোতা সলনি কৰা নাছিল আৰু ছোৱালীৰ চেণ্ডেল পিন্ধা নাছিল। এনে পৰিস্থিতিত তেওঁৰ জোতা দেখি মানুহে সন্দেহ কৰিলে যে তেওঁ এজন সোপাধৰা, যিয়ে শিশু চুৰ কৰিবলৈ ঘৰবোৰত ঘূৰি ফুৰিছে।
গাঁৱৰ মানুহে যুৱকজনক ধৰিলে আৰু তেওঁক মাৰপিট কৰিলে। এনে পৰিস্থিতিত ক্ষুব্ধ লোকে তেওঁক মাৰপিট কৰি ঘটামপুৰ আৰক্ষীৰ হাতত গতাই দিয়ে। আৰক্ষীয়ে সোধাপোচা কৰাৰ পাছতহে আচল কথাটো পোহৰলৈ আহে। এই ঘটনাই গাঁওবাসীক যথেষ্ট আমোদ দিয়ে।
Continue Reading
