বোৰ্খা পিন্ধিবলৈ অস্বীকাৰ কৰাৰ বাবেই ইকবালে হত্যা কৰিলে পত্নী ৰূপালীক, তিনি বছৰ আগতে হিন্দুধৰ্মী ৰূপালী বিয়া হৈছিল ইকবালৰ সৈতে

 হিন্দু  ঘৰৰ ছোৱালী ৰূপালীয়ে ইকবালৰ সৈতে বিয়া হোৱাৰ পিছতো  ইঠলামিক ৰীতি-নীতি অনুসৰণ কৰা নাছিল আৰু বোৰ্খা পিন্ধি নাছিল। তিনি বছৰ আগতে ৰূপালীৰ ইকবালৰ সৈতে প্ৰেম  বিবাহ হৈছিল। কিন্তু ইকবালৰ অত্যাচাৰত অতিষ্ঠ হৈ ৰূপালীয়ে বিবাহ বিচ্ছেদ বিচাৰি আছিল। বিবাহ বিচ্ছেদৰ আগতেই ইকবালে ৰূপালীক  নিৰ্মমভাৱে হত্যা কৰে। 

আৰক্ষীয়ে জনোৱা অনুসৰি, অভিযুক্ত ইকবাল শ্বেখে সোমবাৰে নিশা তেওঁৰ পত্নী ৰূপালীক চোকা অস্ত্ৰৰে  আঘাত কৰে। ঘটনাটো মুম্বাইৰ চেম্বুৰ অঞ্চলত সংঘটিত হৈছে। মুম্বাই আৰক্ষীয়ে অভিযুক্ত ইকবালক গ্ৰেপ্তাৰ কৰিছে। বিয়াৰ পিছৰে পৰা ৰূপালীয়ে তিনি বছৰ ধৰি  ইকবাল শ্বেখৰ চেম্বুৰ অঞ্চলত থকা  ঘৰত বাস কৰিছিল। যিহেতু ৰূপালী হিন্দু আছিল আৰু বিয়াৰ পিছতো মুছলমান ৰীতি-নীতি অনুসৰণ কৰা নাছিলসেয়ে  ইকবাল  আৰু তেওঁৰ পৰিয়ালে ৰূপালীৰ  ওপৰত অসন্তুষ্ট হৈ পৰিছিল। ইকবালৰ পৰিয়ালে ৰূপালীক বোৰ্খা পিন্ধিবলৈ হেঁচা দিছিল, কিন্তু তেওঁ সন্মত হোৱা নাছিল। ইয়াকেলৈ ৰূপালীৰ সৈতে স্বামীৰ পৰিয়ালৰ লোকৰ সংঘাত হৈছিল। ইয়াৰ পিছত ৰূপালী আৰু ইকবালে ইজনে সিজনৰ পৰা পৃথকে বাস কৰিবলৈ লৈছিল। দম্পতীহালৰ এটি পুত্ৰ সন্তানো  আছে। 

পৃথকে থাকিলেও দুয়োজনে ফোনত কথা পাতিছিল।  ইকবালে ৰূপালীক ফোনতো  মুছলমান পৰম্পৰা অনুসৰণ কৰিবলৈ হেঁচা প্ৰয়োগ কৰিছিল। ৰূপালী ইকবালৰ দ্বিতীয় পত্নী আছিল। ইকবালৰ  প্ৰথমা পত্নীৰ সন্তান নাছিল বাবে তেওঁক ইকবালে বিবাহ বিচ্ছেদ দিছিল। অভিযুক্ত ইকবাল শ্বেখে সোমবাৰে সন্ধিয়া চেম্বুৰ অঞ্চলৰ পিএল লোখাণ্ডে ৰোডৰ নাগেৱাড়ীত বাস কৰা ৰূপালীক ফোন কৰিছিল। এই সময়ছোৱাত, বোৰ্খা আৰু অন্যান্য বিষয়কলৈ দুয়োৰে মাজত তৰ্ক হৈছিল।

 এই সন্দৰ্ভত, ৰূপালীয়ে বিবাহ বিচ্ছেদৰ দাবী তুলিছিল। তৰ্ক আৰু বিবাদ বাঢ়ি অহাৰ লগে লগে ইকবালে পকেটৰ পৰা চুৰি এখন উলিয়াই  ৰূপালীৰ ডিঙিত চুৰিখনেৰে আঘাত কৰে।  ফলত ৰূপালীৰ ঘটনাস্থলীতে মৃত্যু হয়। ঘটনাৰ বিষয়ে জানিব পাৰি স্থানীয় লোকে আৰক্ষীক খবৰ দিয়ে। আৰক্ষী ঘটনাস্থলীত উপস্থিত হৈ আৰু মৃতদেহটো মৰণোত্তৰ পৰীক্ষাৰ বাবে  প্ৰেৰণ কৰে। আৰক্ষীয়ে তৎপৰতাৰে ইকবালক গ্ৰেপ্তাৰ কৰিবলৈ সক্ষম হয়। ইকবালৰ বিৰুদ্ধে হত্যাৰ  গোচৰ ৰুজু কৰা হৈছে।