ডিজিটেল ডেস্কঃ মানৱীয় প্ৰমূল্যক ভৰিৰে মোহাৰিলে ৰাজস্থানৰ এজন যুৱকে৷ৰাজস্থানৰ পালি জিলাত হাইড্ৰ’ফ’বিয়া ৰোগত আক্ৰান্ত হোৱাৰ সন্দেহত এজন ২৪ বছৰীয়া যুৱকে এগৰাকী বৃদ্ধাক হত্যা কৰে৷লগতে হত্যাৰ পাছত বৃদ্ধাগৰাকীৰ মাংস খোৱাৰ অভিযোগ উত্থাপন হৈছে৷ইয়াৰ পাছতে আৰক্ষীয়ে ব্যক্তিজনক গ্ৰেপ্তাৰ কৰে৷
প্ৰত্যক্ষদৰ্শীৰ উদ্ধৃতি দি আৰক্ষীয়ে জনোৱা মতে, শুকুৰবাৰে ছেন্দ্ৰ থানাৰ অন্তৰ্গত সাৰাধনা গাঁৱত শান্তি দেৱী (৬৫) গৰু চৰাবলৈ গৈছিল।সেই সময়তে অভিযুক্তই মহিলাগৰাকীক শিলেৰে আক্ৰমণ কৰি হত্যা কৰে বুলি তেওঁলোকে আৰক্ষীক জানিবলৈ দিয়ে।
জয়তৰণৰ উপ-আৰক্ষী অধীক্ষক সুখৰাম বিষ্ণোইয়ে কয় যে, "অভিযুক্তই মানসিক ৰোগীৰ দৰে আৰু আক্ৰমণাত্মকভাৱে আচৰণ কৰিছে। আমি তেওঁক চিকিৎসালয়ত ভৰ্তি কৰিছো। চিকিৎসালয়তো তেওঁ হুলস্থুলৰ সৃষ্টি কৰিছিল, তাৰ পিছত তেওঁক নাৰ্চে বান্ধি ৰাখিছিল।" তেওঁ কয় যে অভিযুক্ত মুম্বাইৰ পৰা বাছত চেন্দ্ৰালৈ আহিছিল, যিটো তথ্য তেওঁক কঢ়িয়াই অনা বাছৰ টিকটৰ জৰিয়তে নিশ্চিত হৈছিল।
শান্তি দেৱীৰ পুত্ৰ বীৰেণ কঠাতে মাতৃক হত্যা কৰি মাংস খোৱাৰ অভিযোগ তুলি আৰক্ষীৰ এজাহাৰ দাখিল কৰে। আৰক্ষীয়ে জনোৱা মতে, ঠাকুৰৰ বিৰুদ্ধে ভাৰতীয় দণ্ডবিধিৰ ধাৰা ৩০২ (হত্যা)ৰ অধীনত গোচৰ ৰুজু কৰা হৈছে আৰু লগতে নৃশংসতাৰ অভিযোগো উত্থাপন হৈছে।
Continue Reading
