ডিজিটেল ডেস্ক: ভাৰত-ইংলেণ্ডৰ ৱাৰ্ম-আপ মেচৰ পূৰ্বে গুৱাহাটীত আৰম্ভ হ’ল প্ৰৱল বৃষ্টিপাত। বিজুলী-ঢেৰেকনিৰে গুৱাহাটীত এতিয়া আহিনৰ বৰ্ষণমুখৰ দুপৰ৷
বৰ্ষাপাৰা ষ্টেডিয়ামত আজি ভাৰত আৰু ইংলেণ্ডৰ মাজত বিশ্বকাপৰ ৱাৰ্মআপ মেচখন দিনৰ ২ বজাৰ পৰা আৰম্ভ হোৱাৰ কথা আছিল। কিন্তু তাৰ পূৰ্বে গুৱাহাটীৰ বিভিন্ন প্ৰান্তত নামিছে বৰষুণ৷ আশাহত হৈ পৰিছে ক্ৰিকেট অনুৰাগীসকল৷
শুকুৰবাৰে বৰ্ষাপাৰা ষ্টেডিয়ামত শ্ৰীলংকা আৰু বাংলাদেশৰ মাজত ৱাৰ্ম-আপ মেচ অনুষ্ঠিত হৈছিল৷ আজি ভাৰত আৰু ইংলেণ্ডৰ মাজত খেল। তাৰ বাবে অধীৰ আগ্ৰহেৰে ৰৈ আছিল ক্ৰিকেটপ্ৰেমীসকল।
খেল উপভোগ কৰাৰ বাবে দৰ্শকেৰে উপচি পৰিছিল বৰ্ষাপাৰা ষ্টেডিয়াম। কিন্তু খেলৰ পূৰ্বে আৰম্ভ হোৱা বৰষুণে খেলখন বিলম্ব কৰাৰ লগতে বেদনাহত কৰিলে ক্ৰিকেট অনুৰাগীসকলক৷
Continue Reading
