বসুধৈৱ কুটুম্বকমঃ জি-২০ সন্মিলনৰ চালে চকুত লগা ল’গোৰ অৰ্থ কি?

ল’গোটোৱে  ভাৰতৰ সমৃদ্ধ সংস্কৃতি, প্ৰকৃতিৰ প্ৰতি প্ৰতিশ্ৰুতি আৰু বিশ্বৰ সৈতে আন্তঃসংযোগৰ দৰে বিষয়সমূহক সুন্দৰভাবে প্ৰকাশ কৰিছে।   ল’গোটোত ভাৰতৰ ৰাষ্ট্ৰীয় ফুল পদুমৰ সৈতে পৃথিৱীও আছে। এই সম্পৰ্ক প্ৰত্যাহ্বানৰ মাজত বিকাশৰ প্ৰতীক, যি ভাৰতৰ স্থিতিস্থাপকতা আৰু দৃঢ়তা প্ৰতিফলিত কৰিছে। পৃথিৱীৰ উপস্থিতিয়ে ভাৰতৰ উদাৰ আৰু সম্প্ৰসাৰিত  দৃষ্টিভংগীক সূচাইছে। পৰিৱেশ সংৰক্ষণ আৰু প্ৰকৃতিৰ সৈতে সামঞ্জস্য ৰাখি জীয়াই থকাৰ প্ৰতি থকা ইচ্ছাৰ কথাও ইয়াত  আলোকপাত কৰা হৈছে। জি-২০  ল’গোৰ তলত, "ভাৰত" শব্দটো দেৱনাগৰী লিপিত সুন্দৰভাৱে লিখা হৈছে, যি ভাৰতৰ সাংস্কৃতিক ঐতিহ্যক প্ৰতিনিধিত্ব কৰে। ভাৰতৰ জি-২০ প্ৰেচিডেন্সিৰ বিষয়বস্তু, "বসুধৈৱ কুটুম্বকম", যাৰ অৰ্থ হৈছে "এক পৃথিৱী · এটা পৰিয়াল · এক ভৱিষ্যত,"। মহা উপনিষদৰ প্ৰাচীন সংস্কৃত পাঠৰ পৰা এই বাণী লোৱা হৈছে। 

এই বিষয়বস্তুয়ে মানুহ, জীৱ- জন্তু, উদ্ভিদ আৰু অণুজীৱকে ধৰি সকলো জীৱনৰ আভ্যন্তৰীণ মূল্যৰ বিষয়ত গুৰুত্ব আৰোপ কৰিছে। কেৱল সেয়াই নহয়, ল’গোটোৱে পৃথিৱী আৰু বহল বিশ্বব্ৰহ্মাণ্ডত ভাৰতীয়ৰ আন্তঃসংযোগৰ  বিষয়ত গুৰুত্ব আৰোপ কৰিছে। তদুপৰি ল’গোৰ  বিষয়বস্তুৱে পৰিৱেশৰ বাবে জীৱনশৈলীৰ বিষয়তো  আলোকপাত কৰিছে। জি-২০ৰ ল’গো আৰু থীমে  জি-২০ প্ৰেচিডেন্সিৰ বাবে ভাৰতৰ বাৰ্তা সামূহিকভাৱে প্ৰদান কৰিছে। ভাৰতৰ জি-২০ প্ৰেচিডেন্সি "অমৃতকাল"ৰ আৰম্ভণিৰ সৈতেও মিলিত হৈছে।এই পদক্ষেপৰ উদ্দেশ্য হৈছে ভাৰতক এক ভৱিষ্যতবাদী, সমৃদ্ধ, সামগ্ৰিক আৰু উন্নত সমাজৰ দিশে আগুৱাই নিয়া, যাৰ মূলত মানৱ-কেন্দ্ৰিক দৃষ্টিভংগী আছে। যিহেতু ভাৰতে জি-২০ৰ নেতৃত্ব গ্ৰহণ কৰিছে, ইয়াৰ লক্ষ্য হৈছে বিশ্বব্যাপী আলোচনা আৰু কাৰ্যকলাপত অৰ্থপূৰ্ণ অৱদান আগবঢ়োৱা।