ডিজিটেল ডেস্কঃ যি খন ৰাজ্যত বৰষুণৰ বাবে মানুহে বা-হুমুনিয়াহ কাঢ়ি থাকে সেই খন ৰাজ্যতে এতিয়া অত্যধিক বৰষুণৰ বাবে চলিছে বানৰ সংহাৰ। মৰুৰৰ ৰাজ্য ৰাজস্থানত এতিয়া বানে কালান্তক ৰূপ ধাৰণ কৰিছে। দেশৰ কিছু অংশত মৌচুমী বতাহৰ ফলত ধাৰাসাৰ বৰষুণৰ হৈছে।
ৰাজস্থানৰ ৰাজধানী জয়পুৰতো এইবেলি ধাৰাসাৰ বৰষুণে বানৰ ৰূপ ধাৰণ কৰি বিস্তৰ ক্ষতি সাধন কৰিছে। শুক্ৰবাৰে নিশাৰে পৰা হোৱা ধাৰাসাৰ বৰষুণৰ ফলত "গুলপীয়া চহৰ" খন প্লাৱিত হৈছে। চহৰ খনৰ বহু ঠাই এতিয়া পানীৰ তলত। কেইবাটাও ৰাস্তা জলমগ্ন হৈ পৰাত যাতায়াত বন্ধ হৈ পৰিছে।চহৰৰ পেৰাকোড বজাৰো প্লাৱিত হৈছে। চিকাৰ ৰোডতো বানৰ সংহাৰ চলিছে।
মৰুৰ ৰাজ্য খনত এনেদৰে হোৱা ধাৰাসাৰ বৰষুণৰ আঁৰত বতৰৰ পৰিৱৰ্তনৰ কথাটো জড়িত হৈ থকা বুলি বহুতে অনুমান কৰিছে। বতৰৰ পৰিৱৰ্তনৰ বাবেই বিশ্বৰ বহু বৰষুণ কম হোৱা ঠাইতো বৰষুণ বেছিকৈ হ’বলৈ ধৰিছে। আনহাতে বহুঠাইত লক্ষ্যণীয়ভাবে কমি গৈছে বৰষুণৰ পৰিমাণ। বহু ঠাইক তীব্ৰ গৰমে আক্ৰান্ত কৰিছে।
বতৰৰ পৰিৱৰ্তন লেহেমীয়া কৰিব নোৱাৰিলে এনে বহু প্ৰাকৃতিক দুৰ্যোগৰ সন্মুখীন হৈ থাকিব লাগিব বুলি বহুতে মন্তব্য কৰিছে। উল্লেখ্য বিশ্বত গছ-গছনিৰ সংখ্যা কমি অহাৰ বাবেও বতৰৰ সঘন পৰিৱৰ্তন হোৱা বুলি বিজ্ঞানী সকলে কৈ আহিছে।
Continue Reading
