ডিজিটেল ডেস্কঃ বৰ্তমানেও শান্ত হোৱা নাই হিংসাজৰ্জৰ মণিপুৰ৷সোমবাৰে ইম্ফল পশ্চিমৰ কদাংবন্দত সংঘটিত হোৱা তীব্ৰ সংঘৰ্ষত চাৰিজন সন্দেহযুক্ত কুকি উগ্ৰপন্থী আৰু এজন গাঁৱৰ স্বেচ্ছাসেৱককে ধৰি কমেও পাঁচজন লোক নিহত হয়।
মৃত্যু হোৱা গাঁৱৰ স্বেচ্ছাসেৱকজন পশ্চিম ইম্ফলৰ উৰিপক আচোম লেইকাইৰ অৱসৰপ্ৰাপ্ত সেনা জোৱান চাইখোম ৰকেট সিঙৰ পুত্ৰ ছাইখোম সঞ্জিতকুমাৰ সিং নামৰ এজন ২৮ বছৰীয়া যুৱক৷এই গুলীচালনাত চাৰিজন কুকি উগ্ৰপন্থীও নিহত হোৱা বুলি জানিব পৰা গৈছে।মৃতদেহটো ৰিমছৰ মৰ্গত ৰখা হৈছে যদিও এতিয়ালৈকে কোনো ধৰণৰ মৰণোত্তৰ পৰীক্ষা কৰা হোৱা নাই। কিন্তু এই ঘটনাৰ প্ৰতিবেদন দাখিল কৰাৰ সময়ত আন লোকসকলৰ পৰিচয় নিশ্চিত কৰিব পৰা নগ’ল।
খবৰ অনুসৰি সন্দেহযুক্ত কুকি উগ্ৰপন্থীয়ে কাংচুপৰ পাদদেশ আৰু কদাংবন্দৰ প্ৰথম খণ্ডৰ কাষৰ মেইটেই বসতিপূৰ্ণ অঞ্চলত নিৰ্মিত বাংকাৰত আক্ৰমণ আৰম্ভ কৰে।আৰু তাৰ প্ৰত্যুত্তৰস্বৰূপে মেইটেই গাঁৱৰ স্বেচ্ছাসেৱকসকলে প্ৰতি আক্ৰমণ কৰে।যাৰ ফলশ্ৰুতিত এই ঘটনা সংঘটিত হয়৷
Continue Reading
