--°C
Loading...
Listen to Article
2 min read
80%
ডিজিটেল ডেস্কঃ দিনটো আছিল ১ অক্টোৱৰ। সেইদিনটোতে ইণ্ডোনেছিয়াৰ এখন ফুটবল মেছৰ মাজতে সৃষ্টি হোৱা হিংসাত্মক ঘটনাত নিহত হৈছিল ১৩০ জনকৈ লোক। ইণ্ডোনেছিয়াই আৰু সেই ভয়াৱহ স্মৃতি সজীৱ কৰি ৰাখিব নিবিচাৰে। সেয়ে দেশ খনৰ চৰকাৰে ফুটবল ষ্টেডিয়ামখন সম্পূৰ্ণৰূপে ধ্বংস কৰিব বিচাৰে । ইণ্ডোনেছিয়া চৰকাৰৰ এগৰাকী মুখপাত্ৰই এই কথা প্ৰকাশ কৰিছে।

চলিগ বৰ্ষৰ ১ অক্টোবৰত ইণ্ডোনেছিয়াৰ মালাঙত এখন লীগ খেলৰ সময়ত ষ্টেডিয়ামৰ ভিতৰত আৰম্ভ হৈছিল প্ৰচণ্ড মাৰপিট। পৰিস্থিতি নিয়ন্ত্ৰণৰ বাহিৰলৈ গৈছিল। পদদলিত হৈ  ১৩০ জন লোকৰ মৃত্যু হৈছিল। ইণ্ডোনেছিয়াৰ ৰাষ্ট্ৰপতি জৰো উইডোডোৱে এনে ঘটনাৰ স্মৃতি জীয়াই ৰাখিব বিচৰা নাই। তেওঁ কয়  যে ফুটবল-পাগল দেশখনত খেলৰ সুৰক্ষাৰ দিশটোত  আমূল সংস্কাৰ কৰাৰ প্ৰয়োজন। সেই উদ্দেশ্যৰেই ১৩০ জন লোক নিহত হোৱা  ষ্টেডিয়ামখন ভাঙি পেলোৱা হ'ব আৰু তাৰ ঠাইত এখন নতুন ষ্টেডিয়াম নিৰ্মাণ কৰা হ'ব।

উইডোডোৱে ফিফাৰ মুৰব্বী গিয়ান্নি ইনফান্তিনোৰ সৈতে এই বিষয়ত  এখন বৈঠকত মিলিত হৈছে। উইডোডোৱে কয় "আমি মালাঙৰ কাঞ্জুৰুহান ষ্টেডিয়াম সম্পূৰ্ণৰূপে ধ্বংস কৰিম। তাৰ পিছত, আমি ফিফাৰ দ্বাৰা নিৰ্ধাৰিত মান বজাই ৰাখি তাত এখন নতুন ষ্টেডিয়াম নিৰ্মাণ কৰিম। তেওঁ লগতে কয় "মই আৰু ফিফাৰ সভাপতি সন্মত হৈছো যে ইণ্ডোনেছিয়াৰ ফুটবলৰ ধাৰাক  পুনৰ নিৰ্মাণ কৰাৰ প্ৰয়োজন আহি পৰিছে। প্ৰতিটো পদক্ষেপ ফিফাৰ নিয়ম অনুসৰি কৰিব লাগিব। '' ফিফাৰ সভাপতি ইনফাণ্টিনোৱে কয় "ইণ্ডোনেছিয়া এখন ফুটবল উন্মাদ দেশ। ফুটবল ইয়াত ১০০ মিলিয়ন লোকৰ বাবে এক আগ্ৰহৰ খেল। যেতিয়া মানুহে খেল চাবলৈ যায়, তেওঁলোকৰ সুৰক্ষা নিশ্চিত কৰাটো আমাৰ দায়িত্ব। ''

অক্টোবৰৰ ১ তাৰিখে  ক্লাব আৰেমা আৰু পাৰ্চিবায়া সুৰাবায়াই ইণ্ডোনেচিয়ান ফুটবল লীগত খেলিছিল। পূব জাভাৰ মালাং ৰিজেন্সিত অনুষ্ঠিত খেলখনত আৰেমা ৩-২ ব্যৱধানত পৰাজিত হয়। ইয়াৰ পিছত, দুয়োটা দলৰ সমৰ্থকসকলে সংঘৰ্ষত লিপ্ত হয়। কেইবাটাও ভিডিঅ'ত, আৰেমাৰ অনুৰাগীসকলক খেলখনৰ শেষত নিশা ১০ বজাৰ ঠিক আগতে বাঁহী বজোৱা দেখা যায়। কৰ্তব্যৰত আৰক্ষী কৰ্মীয়ে উত্তেজিত  সমৰ্থকসকলক বাধা দিবলৈ চেষ্টা কৰিছিল। আৰেমাৰ সমৰ্থকসকলে আৰক্ষী কৰ্মীৰ সৈতে সংঘৰ্ষত লিপ্ত হৈছিল । 

পৰিস্থিতি নিয়ন্ত্ৰণ কৰিবলৈ আৰক্ষীয়ে কন্দুৱা গেছ ব্যৱহাৰ কৰিছিল। লৰাধপ কৰোতে পদপিষ্ট হৈ ১৩০ জন লোকৰ মৃত্যু ঘটে।

বহু মানুহে একেলগে ষ্টেডিয়ামৰ বাহিৰলৈ যাবলৈ চেষ্টা কৰোতেই এই অঘটন ঘটে। ঘটনাস্থলীতে কমেও ৩৪ জন লোকৰ মৃত্যু হৈছিল। পিছত চিকিৎসালয়লৈ যোৱাৰ পথত বা চিকিৎসালয়ত চিকিৎসাধীন অৱস্থাত বাকীসকলৰ মৃত্যু হৈছিল।










FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ