ডিজিটেল ডেস্কঃ বয়স মাথোঁ এটা সংখ্যা। আয়াৰলেণ্ডৰ বাসিন্দা কিউবিচি গনজালেজে এই কথাকে পুনৰ মনত দিছে। বেছিভাগ মানুহেই কিউবিচিৰ বয়স ৩০ বছৰ বুলি ভুল কৰে। অৱশ্যে ভুল হোৱাটো অস্বাভাৱিক নহয়। গনজালেজক কলেজৰ ছাত্ৰী হিচাপে সহজেই ধাৰণা কৰিব পাৰি। কিন্তু তেওঁৰ ঘৰত নাতি-নাতিনী আছে বুলি জনাৰ পাছত থতমত খাই সকলো।
কিউবিচি এগৰাকী ৬৫ বছৰীয়া বৃদ্ধা। তেওঁ বিমানবন্দৰত কাম কৰিছিল। কেইবছৰমানৰ আগতে গনজালেজে স্বেচ্ছাই অৱসৰ গ্ৰহণ কৰে। তেতিয়াৰ পৰাই তেওঁ নিজৰ যত্ন লৈ আহিছে। পুত্ৰ-কন্যাইও বিবাহ কৰিছে। সেয়ে তেওঁ এতিয়া নিৰাপদ জীৱন কটাই আছে। জীৱনৰ এই সময়খিনি তেওঁ নিজৰ ধৰণেৰে উপভোগ কৰিব বিচাৰে। ছচিয়েল মিডিয়াতো তেওঁ যথেষ্ট সক্ৰিয়। তেওঁৰ অনুৰাগীৰ সংখ্যাও বৃহৎ।
তেওঁৰ আচৰণ, আধুনিক সাজ-পোছাক, লাহী শৰীৰ আৰু ছালৰ সৌন্দৰ্য্যই সকলোৰে মন মুহি নিয়ে। ৬০ বছৰৰ পাছতো এনে ছালৰ সৌন্দৰ্য সহজ কথা নহয়। অৱশ্যে তাৰ বাবে তেওঁ বহুত কষ্ট কৰিছিল।
বহু কনিষ্ঠ অনুৰাগীয়ে তেওঁক সুধিছে যে তেওঁৰ ছালৰ যত্ন কেনেকৈ লয়। শেহতীয়াকৈ ইনষ্টাগ্ৰামৰ এটা ভিডিঅ’ৰ জৰিয়তে তেওঁৰ সৌন্দৰ্য্যৰ ৰুটিনৰ বিষয়ে কয়।
তেওঁৰ মতে সৌন্দৰ্য্যবৰ্ধন মানে বিভিন্ন প্ৰসাধন সামগ্ৰী ব্যৱহাৰ কৰা নহয়। ব্যায়ামও এক সৌন্দৰ্য চৰ্চা। তেওঁ প্ৰতিদিনে টেনিছ খেলে। খেল খেলিলে ছালত জমা হোৱা প্ৰদূষক ঘামৰ মাজেৰে ওলাই আহে। প্ৰতিদিনে পুৱা আৰু ৰাতি হেয়াৰ স্পা কৰে। দিনটোৰ ভিতৰত বিভিন্ন সময়ত নিজৰ ছালৰ যত্ন লয়। ভিটামিন চি সমৃদ্ধ ক্ৰীম আৰু ছিৰাম তেওঁৰ ছালৰ যত্নৰ অন্যতম সামগ্ৰী বাহিৰলৈ ওলোৱাৰ আগতে SPF 50 ছানস্ক্ৰীণ লগাবলৈ নাপাহৰে তেওঁ। প্ৰতিমাহে হাজাৰ হাজাৰ টকা ছালৰ যত্নৰ বাবে খৰচ লয় কিউবিচিয়ে।
চিকচিকিয়া ছালৰ আন এটা গোপন কথাও ক’লে তেওঁ। কিউবিচিয়ে কয় যে তেওঁৰ স্বামী ষ্টিফেন জ’নৰ প্ৰেমেও তেওঁক ইমান ধুনীয়া হৈ থাকিবলৈ উদ্দীপনা যোগাই আহিছে।
Continue Reading
