ডিজিটেল ডেস্কঃ অহা মে’ মাহত ব্ৰিটেইনৰ ৰজা তৃতীয় চাৰ্লছৰ মুকুট পিন্ধোৱাৰ অভিষেক উদযাপন কৰা হ’ব। কিন্তু তাৰ আগতে ব্ৰিটেইনৰ ৰাজপৰিয়ালৰ এক অদ্ভুত সমস্যাৰ সৃষ্টি হৈছে। ছ’চিয়েল মিডিয়াত তেওঁলোকৰ জনপ্ৰিয়তা দ্ৰুতগতিত হ্ৰাস পাইছে।
বাকিংহাম পেলেচৰ অফিচিয়েল টুইটাৰ হেণ্ডেলত ফ’ল’ৱাৰৰ সংখ্যা দিনক দিনে কমি আহিছে। এই সপ্তাহত অনুগামীৰ সংখ্যা ১৩ লাখৰ পৰা ১২.৯ লাখলৈ হ্ৰাস পাইছে।
এই পৰ্যন্ত বাকিংহাম পেলেচৰ টুইটাৰ পেজত ৪১৪৮খন ফটো পোষ্ট কৰা হৈছে। শেহতীয়া পোষ্টটোত জনোৱা হৈছে যে ৱেষ্টমিনিষ্টাৰ আবেত ১২টা নতুন সাংগিতীক দল নিয়োগ কৰা হৈছে। ৰাজ অভিষেকৰ সময়ত এওঁলোকে সংগীত পৰিবেশন কৰিব। সমগ্ৰ ব্ৰিটেইনৰ সংগীত প্ৰতিভাক বিশ্ববাসীৰ আগত প্ৰদৰ্শন কৰা হ’ব।
ব্ৰিটিছ ৰাজপৰিয়ালৰ পৰম্পৰা অনুসৰি, ৰাজ অভিষেকৰ সময়ত ৰজাই ৰেচমৰ ষ্টকিংছ (ষ্টকিংছ) আৰু বিশেষ পায়জামা (ব্ৰিচ) পিন্ধে। কিন্তু ব্ৰিটিছ সংবাদ মাধ্যম "দ্য ইণ্ডিপেণ্ডেণ্ট"ৰ মতে, চাৰ্লছে এইবাৰ সেই প্ৰথা অনুসৰণ নকৰে। তাৰ পৰিৱৰ্তে তেওঁ আৰ্মী ইউনিফৰ্ম পিন্ধাৰ সম্ভাৱনা আছে। সংবাদ মাধ্যমৰ সূত্ৰ অনুসৰি, এই সিদ্ধান্ত কেইবাবাৰো আলোচনাৰ অন্তত লোৱা হৈছে।
৬ মে’ত ৱেষ্টমিনিষ্টাৰ এবেত অনুষ্ঠিত হ’বলগীয়া এই অনুষ্ঠানত অংশগ্ৰহণ কৰিব চাৰ্লছ আৰু তেওঁৰ পত্নী কেমিলাই। পিছদিনা উইণ্ডচৰ কেছলত অনুষ্ঠিত হ’ব বিশেষ ডেবিউ কনচাৰ্ট। কিন্তু এই সকলো প্ৰস্তুতিৰ পিছতো ছচিয়েল মিডিয়াত কমি আহিছে ৰাজপৰিয়ালৰ ‘ফ’ল’ৱাৰ’।
Continue Reading
