ডিজিটেল ডেস্কঃ কালি বলীউডৰ চুলতান অর্থাৎ ছলমান খানে ভাতৃ ছোহেইল খানৰ ৫৩তম জন্মদিন উদ্যাপন কৰে। এই সময়ছোৱাত ছলমান খানৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে। ভিডিঅ’টোত ভাইজানক যথেষ্ট খঙত দেখা গৈছে।
১৯ ডিচেম্বৰত ছোহেইল খানে ৫৩ সংখ্যক জন্মদিন পালন কৰে। এই উপলক্ষে তেওঁৰ ভাতৃ ছলমান খানকে ধৰি তেওঁৰ সমগ্ৰ পৰিয়ালে ছোহেইলক শুভেচ্ছা জনাবলৈ আহিছিল। য’ত আছিল ছেলিম খান, হেলেন, ছালমা খান, অৰ্পিতা খান আৰু আয়ুষ শৰ্মা, আলভিৰা খান, অতুল অগ্নিহোত্ৰী আৰু তেওঁৰ কন্যা আলিজেহ অগ্নিহোত্ৰী আৰু ঘনিষ্ঠ কেইজনমান ঘনিষ্ঠ বন্ধু। জন্মদিনৰ অনুষ্ঠানৰ পাছতে অভিনেতাগৰাকীয়ে পিতৃ-মাতৃৰ সৈতে পাৰ্টিৰ পৰা ওলাই অহা দেখা গ’ল। ছলমানক দেখাৰ লগে লগে বহু ফটোগ্ৰাফাৰ তেওঁৰ গাড়ীৰ ওচৰলৈ আহি ফটো ক্লিক কৰিবলৈ আৰম্ভ কৰে।কিন্তু এই ঘটনা দেখি ছলমান খান ক্ৰোধিত হৈ পৰিল আৰু নিজৰ গাড়ীত বহাৰ আগতে সকলোকে পিছুৱাই যাবলৈ খঙৰে আহ্বান কৰে৷
ছলমান খানৰ পাপাৰাজীক লৈ খং উঠা ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে। বহু অনুৰাগীয়ে অভিনেতাগৰাকীক সমৰ্থন কৰি কয় যে পাপাৰাজীবোৰে তাৰকাসকলক ইমান আমনি কৰিব নালাগে।
উল্লেখ্য যে, ধাৰাবাহিক ভাবুকিৰ মাজতে ছলমান খানৰ নিৰাপত্তা পুনৰীক্ষণ কৰা হৈছে আৰু অভিনেতাজনক সষ্টম হৈ থাকিবলৈ কোৱা হৈছে। কাৰণ কিছুদিন পূৰ্বে ছলমান খানৰ সৈতে ঘনিষ্ঠ সম্পৰ্ক থকাৰ অভিযোগত কানাডাৰ পঞ্জাবী গায়ক জিপি গ্ৰেৱালৰ বাসগৃহৰ বাহিৰত গুলীচালনা কৰিছিল গেংষ্টাৰ লৰেন্স বিষ্ণোইয়ে।
Continue Reading
