ডিজিটেল ডেস্ক: ২০১৭ চনত সামান্থা ৰুথ প্ৰভু আৰু নাগা চৈতন্যৰ বিবাহ হয়। কিন্তু প্ৰেমেৰে আৰম্ভ হোৱা এই সম্পৰ্কটো বেছি দিন টিকি থাকিব নোৱাৰিলে আৰু বিবাহৰ ৪ বছৰৰ পিছত দুয়োৰে বিবাহ বিচ্ছেদ হয়। বৰ্তমান আকৌ এবাৰ তেওঁলোকৰ বিবাহ বিচ্ছেদে শিৰোনাম দখল কৰিছে। দৰাচলতে তেলেংগানা চৰকাৰৰ মন্ত্ৰী কোণ্ডা সুৰেখাই শেহতীয়াকৈ টলিউডৰ অভিনেত্ৰী সামন্থা ৰুথ প্ৰভু আৰু অভিনেতা নগা চৈতন্যৰ বিবাহ বিচ্ছেদ সন্দৰ্ভত এক চাঞ্চল্যকৰ মন্তব্য প্ৰকাশ কৰিছে। ভাৰত ৰাষ্ট্ৰ সমিতিৰ কাৰ্যকৰী সভাপতি কেটিআৰক তেওঁলোকৰ বিবাহ বিচ্ছেদৰ কাৰণ বুলি উল্লেখ কৰি তেওঁ গুৰুতৰ অভিযোগ উত্থাপন কৰিছে। এই বিষয়টোৱে ৰাজনৈতিক আলোচনা তীব্ৰতৰ কৰি তুলিছে। একে সময়তে মন্ত্ৰী কোণ্ডা সুৰেখাৰ এই মন্তব্যত টলিউড অতিশয় ক্ষুব্ধ হৈ পৰিছে ।
পুৰণি সম্পৰ্ক শেষ কৰি এতিয়া নতুন জীৱন আৰম্ভ কৰিছে সামান্থা ৰুথ প্ৰভুৱে। অনুৰাগীসকলে লক্ষ্য কৰিছে যে বিবাহ বিচ্ছেদৰ পিছত তেওঁ নিজৰ সম্পৰ্ক আৰু ইয়াৰ বিচ্ছেদৰ আঁৰৰ কাহিনী কমকৈ চৰ্চা কৰে ৷তেওঁ নিজৰ ব্যক্তিগত জীৱনটো ব্যক্তিগত কৰি ৰাখিব বিচাৰে, বিশেষকৈ বিবাহ বিচ্ছেদৰ বিষয়টো। কিন্তু এতিয়া তেওঁ মন্ত্ৰী কোণ্ডা সুৰেখাৰ মন্তব্যক লৈ উত্তৰ দিবলৈ বাধ্য হৈছে ৷
মন্ত্ৰীগৰাকীৰ এই মন্তব্যৰ পিছতে ক্ষুব্ধ হৈ পৰিছে সামান্থা। তেওঁ ইনষ্টাগ্ৰাম ষ্ট’ৰীত লিখিছে, ‘‘এগৰাকী মহিলা হোৱা, ওলাই আহি কাম কৰা আৰু এটা গ্লেমাৰাছ ইণ্ডাষ্ট্ৰীত জীয়াই থকা,য’ত নাৰীক বেছিভাগেই সামগ্ৰীৰ দৰে ব্যৱহাৰ কৰা হয়, প্ৰেমত পৰা, প্ৰেমত ঠেকা খোৱা, আৰু থিয় হৈ যুঁজ দিয়া...ইয়াৰ বাবে বহুত সাহসৰ প্ৰয়োজন। কোণ্ডা সুৰেখা, মোৰ যাত্ৰাক লৈ মই গৌৰৱ অনুভৱ কৰো, অনুগ্ৰহ কৰি ইয়াক নষ্ট নকৰিব।’’
অভিনেত্ৰীগৰাকীয়ে আগলৈ লিখিছে- ‘‘আশাকৰোঁ আপুনি উপলব্ধি কৰিছে যে এগৰাকী মন্ত্ৰী হিচাপে আপোনাৰ কথাবোৰ বহুত গুৰুত্বপূৰ্ণ। মানুহৰ গোপনীয়তাৰ প্ৰতি দায়বদ্ধ আৰু সন্মানীয় হ'বলৈ আপোনাক অনুৰোধ জনালোঁ। মোৰ বিবাহ বিচ্ছেদ মোৰ ব্যক্তিগত বিষয় আৰু মই আপোনালোকক অনুৰোধ কৰিম যে এই বিষয়ে আলোচনা নকৰিব। কথাবোৰ ব্যক্তিগতভাৱে ৰখাৰ আমাৰ সিদ্ধান্তৰ অৰ্থ এইটো নহয় যে মিছা মন্তব্য দিয়া। মই স্পষ্টকৈ ক’ব বিচাৰো যে মোৰ বিবাহ বিচ্ছেদ আমাৰ দুয়োৰে সন্মতি সাপেক্ষে হৈছিল আৰু কোনো ৰাজনৈতিক ষড়যন্ত্ৰ নাই। অনুগ্ৰহ কৰি মোৰ নামটো আপোনাৰ ৰাজনৈতিক বিষয়ৰ পৰা আঁতৰাই ৰাখিবনে?’’
উল্লেখ্য যে সামান্থা আৰু নাগাই বিবাহ বিচ্ছেদৰ পিছত নিজ নিজ জীৱনত আগবাঢ়িছে। শেহতীয়াকৈ নাগাই শোভিতা ধূলিপালাৰ সৈতে বাগ্দান কৰিছে আৰু দুয়োৰে অতি সোনকালে বিয়া হ’বলৈ ওলাইছে। ইফালে সামান্থা নিজৰ কামত ব্যস্ত।
বুধবাৰে সংবাদ মাধ্যমৰ সৈতে হোৱা কথা-বতৰাত তেলেংগানা চৰকাৰৰ মন্ত্ৰী কোণ্ডা সুৰেখাই কৈছিল যে সামন্থা ৰুথ প্ৰভু আৰু নাগা চৈতন্যৰ বিচ্ছেদৰ আঁৰৰ কাৰণ কেটিআৰ। তেওঁ কয় যে কেটিআৰৰ প্ৰভাৱৰ বাবে বহু অভিনেত্ৰীয়ে খৰখেদাকৈ বিয়া পাতিছিল আৰু কিছুমান অভিনেত্ৰী আনকি চিনেমাও এৰি থৈ গৈছিল। কোণ্ডা সুৰেখাই কেটিআৰৰ বিৰুদ্ধে ড্ৰাগছ সন্দৰ্ভত গুৰুতৰ অভিযোগ উত্থাপন কৰিছিল আৰু কয় যে কেটিআৰে ড্ৰাগছ সেৱন কৰিছিল, তেওঁ বহু অভিনেত্ৰীক ড্ৰাগছৰ প্ৰতি আসক্ত কৰিছিল। কেৱল এয়াই নহয়, ব্যক্তিগত তথ্য লাভ কৰিবলৈ তেওঁলোকে নিজৰ ফোনতো টেপ কৰে। কেটিআৰৰ বিৰুদ্ধে গুৰুতৰ অভিযোগ উত্থাপন কৰি তেওঁ কয় যে সামন্থা ৰুথ প্ৰভু আৰু নগা চৈতন্যৰ বিচ্ছেদৰ আঁৰত তেওঁ আছিল।
Continue Reading
