ডিজিটেল ডেস্কঃ হাৰ্লে-ডেভিডচন। নামটোৰেই আছে এক সুকীয়া পৰিচয়। এই কোম্পানীৰ দ্বাৰা নিৰ্মাণ কৰা মটৰচাইকেলবোৰ ইমান প্ৰিয় যে বাইক-প্ৰেমীসকলে ইয়াৰ বাবে লাখ লাখ টকা খৰচ কৰে।
শেহতীয়াকৈ আমেৰিকা যুক্তৰাষ্ট্ৰৰ লাছ ভেগাছত মেকম নিলাম নামেৰে এটা নিলাম অনুষ্ঠান হৈ যায়। তাত প্ৰথম বিশ্বযুদ্ধৰ আগতে নিৰ্মাণ কৰা এখন হাৰ্লে-ডেভিডছন বাইক নিলাম কৰা হয়। ১১৫ বছৰ পুৰণি এই মটৰচাইকেলখন চাবলৈকে বহুলোক তাত সমবেত হৈছিল।
শতিকা পুৰণি মটৰচাইকেলখনৰ নাম হাৰ্লে-ডেভিডচন ষ্ট্ৰেপ টেংক। মটৰচাইকেলখন কোম্পানীটোৱে ১৯০৮ চনত নিৰ্মাণ কৰিছিল। ইয়াৰ উপৰিও, সেই সময়ত হাৰ্লে-ডেভিডছনে আন ৪০৮ খন মটৰচাইকেল নিৰ্মাণ কৰিছিল। অৱশ্যে, বৰ্তমান মাত্ৰ কেইখনমান মটৰচাইকেলহে বিদ্যমান। আশ্চৰ্যজনকভাৱে, এই মটৰচাইকেলখন ১১৫ বছৰৰো অধিক সময় ধৰি অক্ষত অৱস্থাত আছে।
এই মটৰচাইকেলখনৰ নাম হাৰ্লে-ডেভিডচন ষ্ট্ৰেপ টেংক। ইয়াৰ ইন্ধন টেংকটো প্ৰকৃত নিকেল স্ট্ৰেপৰ সৈতে বাইকখনৰ ফ্ৰেমত বন্ধা। সেই সময়ত কোম্পানীটোৱে এই মটৰচাইকেলখন অভিলেখ পৰিমাণত বিক্ৰী কৰিছিল।
আন এটা আচৰিত কথা হ’ল যে এই ষ্ট্ৰেপ টেংক মটৰচাইকেলখন ১৯৪১ চনত ডেভিদ ৱিহেলিন নামৰ এজন ব্যক্তিয়ে উইচকনচিনৰ এটা শস্যভঁৰালত বিচাৰি পাইছিল। তেওঁ ইয়াক পৰৱৰ্তী ৬৬ বছৰ ধৰি নিজৰ ঘৰত যত্নত ৰাখিছিল।
তেতিয়া ইণ্ডিয়ানাৰ পল ফ্ৰীহিল নামৰ এজন ব্যক্তিয়ে মটৰচাইকেলখন উদ্ধাৰ কৰিবলৈ তেওঁৰ সৈতে যোগাযোগ কৰিছিল। মেকাম নিলামত এই মটৰচাইকেলখনৰ মূল্য হয়গৈ ভাৰতীয় মুদ্ৰাত ৭.৭ কোটি টকা।
এই ভিণ্টেজ মটৰচাইকেলৰ একাধিক অংশ যেনে চকা, টেংক, ইঞ্জিন, চিট কভাৰ আৰু মাফলাৰ স্লিভ সংৰক্ষণ কৰা হৈছে। নিলাম আয়োজকসকলৰ মতে সেই সময়ত এই বাইকখনৰ একাধিক মডেল তৈয়াৰ কৰা হৈছিল। স্ট্ৰেপ টেংকৰ খুব কম মডেল বৰ্তমান অক্ষত হৈ আছে।
Continue Reading
