ডিজিটেল ডেস্ক: দীপাৱলীৰ সময়ত ব্যক্তিগত খণ্ডৰ একাংশ প্ৰতিষ্ঠানত কৰ্মচাৰীসকলক আগবঢ়োৱা হয় বোনাচ৷ যদিও বেছিভাগ প্ৰতিষ্ঠানে উপহাৰ ভাউচাৰ, ইনচেণ্টিভ বা মিঠাই আগবঢ়ায়, তাৰ বিপৰীতে তামিলনাডুৰ কোটাগিৰি চহৰত দেখা গৈছে বিৰল ব্যতিক্ৰমী দৃশ্য৷ কোটাগিৰি চহৰৰ এখন চাহ বাগিচাৰ গৰাকীয়ে কৰ্মচাৰীসকলক দীপাৱলীৰ বোনাচ হিচাপে উপহাৰ দিছে ৰয়েল এনফিল্ড বাইক৷
১৯০ একৰৰ চাহ বাগিচাৰ গৰাকী পি শিৱকুমাৰে দীপাৱলীত তেওঁৰ কৰ্মচাৰীসকলক ঘৰুৱা সঁজুলি আৰু নগদ বোনাচ উপহাৰ দিছিল৷ কিন্তু এই বছৰ তেওঁ তেওঁৰ কৰ্মচাৰীসকলক ২ লাখ টকাৰ অধিক মূল্যৰ বাইকৰে পুৰস্কৃত কৰাৰ সিদ্ধান্ত লৈছিল। আৰু কথামতেই কাম৷ কৰ্মচাৰীলৈ শিৱকুমাৰে আগবঢ়ালে ৰয়েল এনফিল্ড৷ বিগত দুটা দশকধৰি প্ৰায় ৬২৭ জন কৰ্মচাৰীয়ে চাহ বাগিচাখনত কাম কৰি আছে।
তেওঁ তেওঁৰ মেনেজাৰ, ছুপাৰভাইজাৰ, ষ্ট’ৰকীপাৰ, কেছিয়াৰ, ফিল্ড ষ্টাফ আৰু চালককে ধৰি ১৫জন কৰ্মচাৰীক বাইক উপহাৰ দিছিল বুলি সংবাদ মাধ্যমত বাতৰি প্ৰকাশিত হৈছে৷
তেওঁ তেওঁৰ কৰ্মচাৰীসকলক তেওঁলোকৰ নতুন বাইকৰ চাবি দিয়াৰ পাছত তেওঁলোকৰ সৈতে ভ্ৰমণ কৰিবলৈও গৈছিল।
Continue Reading
