ডিজিটেল ডেস্কঃ চাৰিদিন আগৰ বিশ্বকাপৰ ফাইনেলৰ পৰাজয়ৰ হতাশা কেএল ৰাহুলে এতিয়াও অতিক্ৰম কৰিব পৰা নাই। আজি দুপৰীয়া ছ’চিয়েল মিডিয়াত ৰাহুলৰ পোষ্টটোৱে সেই হতাশাৰ কথা মনত পেলাই দিলে।
ক্ৰিকেট প্ৰেমীৰ সৈতে ৰাহুলে শ্বেয়াৰ কৰিলে তিনিখন ছবি। প্ৰথমখন ফাইনেল মেচ আৰম্ভ হোৱাৰ আগতে তোলা গোটেই দলটোৰ ছবি। দ্বিতীয়খনত ফাইনেলত পৰাস্ত হোৱাৰ পিছত খেলপথাৰৰ এফালে থিয় হৈ থকা ৰোহিত শৰ্মা, বিৰাট কোহলীৰ ছবি। বাকীখন ফটোত আছে কেৱল ৰাহুল।
ফটোখনত দেখা গৈছে গ্লেন মেক্সৱেলে শেষ ৰাণ লোৱাৰ লগে লগে ভাৰতীয় দলৰ হতাশ হৈ পৰা উইকেটকীপাৰ-বেটছমেনজন খেলপথাৰত আঁঠু লৈ পৰিছে। লগতে লিখিছে- "এতিয়াও এই বিষটো আছে।!!’’
উল্লেখ্য যে ফাইনেলত ভাৰতৰ বেটিং ব্যৰ্থতা চলিছিল। তেনেসময়তে কে এল ৰাহলে বিৰাট কোহলীৰ স’তে দীঘলিয়া পাৰ্টনাৰশ্বিপ খেলাৰ প্ৰচেষ্টা চলাইছিল। কিন্তু পেট কামিন্সৰ বলত বিৰাট আউট হোৱাৰ পাছত পাৰ্টনাৰশ্বিপ ভাঙি যায়। ফলস্বৰূপে ৰাহুলে লেহেমীয়া গতিৰে বেটিং লাইনৰ মেৰুদণ্ড হিচাপে বৰ্তি থাকিব লগা হয়।
Continue Reading
