ডিজিটেল ডেস্কঃ কুকুৰৰ প্ৰভুভক্তিৰ কথা সকলোৱে জানে। কুকুৰ হৈছে আটাইতকৈ নিষ্ঠাৱান জন্তু। কুকুৰে মালিকৰ প্ৰতি দেখুওৱা আনুগত্যৰ বাবে জনাজাত। আপুনি নিশ্চয় কুকুৰৰ এনে গুণৰ বিষয়ে বহু কাহিনী শুনিছে । মানুহৰ অনুগত কুকুৰকলৈ বহুতো চলচ্চিত্ৰ নিৰ্মাণ কৰা হৈছে। কুকুৰৰ প্ৰভুভক্তিৰ অন্য এক পোহৰলৈ আহিছে।
কেৰালাৰ কান্নুৰ জিলাৰ এটা কুকুৰে চাৰি মাহ ধৰি এখন চিকিৎসালয়ৰ শৱগৃহৰ বাহিৰত মালিকৰ বাবে অপেক্ষা কৰি আছে।কুকুৰটোৰ মালিক অসুস্থ হৈ পৰাৰ পিছত তেওঁক সেই চিকিৎসালয়লৈ নিয়া হৈছিল। লগত গৈছিল কুকুৰটোও । চিকিৎসা চলি থকাৰ সময়তে কুকুৰটোৰ মালিক জনৰ মৃত্যু হৈছিল। তেওঁৰ মৃতদেহটো মৰ্গলৈ অনা হৈছিল, কুকুৰটোও তাত উপস্থিত হৈছিল। তেতিয়াৰে পৰা কুকুৰটোৱোে মৰ্গৰ বাহিৰতে অপেক্ষা কৰি আছে।
কান্নুৰৰ জিলা চিকিৎসালয়ৰ এজন কৰ্মচাৰী বিকাশ কুমাৰে কয়, "চাৰি মাহ আগতে এজন ৰোগী চিকিৎসালয়লৈ আহিছিল আৰু ৰোগীজনৰ সৈতে এটা কুকুৰ আছিল। ৰোগীজনৰ মৃত্যু হৈছিল আৰু কুকুৰটোৱে মালিকক শৱগৃহলৈ লৈ যোৱা দেখিছিল। কুকুৰটোৱে হয়তো ভাবিছে যে মালিক এতিয়াও ইয়াতে আছে। কুকুৰটোৱে এই ঠাই এৰি নাযায় আৰু যোৱা চাৰি মাহ ধৰি ইয়াতেই আছে। ’’
বিকাশ কুমাৰে ক'লে, ' কুকুৰটোৱে কেতিয়াও মৰ্গৰ ভিতৰলৈ নাযায়। কেৱল গেটৰ কাষত বহি থাকে । গোটেই দিনটো বহুতো মৃতদেহ মৰ্গলৈ অনা হয়। কুকুৰটোৱে কাৰো ক্ষতি নকৰে। কুকুৰটোৱে মৰ্গলৈ অনা প্ৰতিটো মৃতদেহলৈ আশাৰে চায় । প্ৰথমতে কুকুৰটোৱে খোৱা-বোৱা বন্ধ কৰিছিল, কিন্তু লাহে লাহে বিস্কুট আৰু পিঠা খোৱা আৰম্ভ কৰিছে’’।
Continue Reading
