ডিজিটেল ডেস্কঃ ‘কৌন বনেগা কৰোড়পতি ১৫’ৰ শেষৰ খণ্ডটোৰ শ্বুটিং কৰি আৱেগিক হৈ পৰে অমিতাভ বচ্চন। ছীজনৰ শেষৰ খণ্ডটো সামৰি লোৱাৰ পূৰ্বে 'শুভৰাত্ৰি' বুলি কোৱাৰ লগে লগে কিংবদন্তি ছুপাৰষ্টাৰগৰাকীয়ে চকুলো টোকে।উল্লেখ্য যে, বিগ বিয়ে ছিজনৰ শেষৰ খণ্ডটোৰ কথা কৈছিল নে শ্ব’টোৰ পৰা অৱসৰৰ কথা কৈছিল সেয়া এতিয়াও স্পষ্ট হোৱা নাই।
অমিতাভ বচ্চনে ‘কৌন বনেগা কৰোড়পতি’ৰ শেষৰ খণ্ডটোৰ বাবে শ্বুটিং কৰিছিল। চ’নীলিভে পোষ্ট কৰা এটা প্ৰ’ম’ত ১৫ সংখ্যক ছিজনৰ শেষৰ খণ্ডটো সামৰি বিগ বিয়ে কয়, “কাইলৈৰ পৰা আমি আৰু উভতি নাহো।” ছিজনৰ শেষৰ খণ্ডটোত কেইবাগৰাকীও বিশিষ্ট ব্যক্তি উপস্থিত আছিল- যেনে শৰ্মিলা ঠাকুৰ, বিদ্যা বালন, আৰু ছাৰা আলী খান।
প্ৰ’মোটো দেখি অনুৰাগীসকল আচৰিত হৈ পৰিছিল। অনুৰাগীৰ একাংশই হৃদয়বিদাৰক বুলি উল্লেখ কৰি ‘এটা যুগৰ অন্ত’ বুলি অভিহিত কৰাৰ বিপৰীতে আন কিছুমানে উল্লেখ কৰে যে তেওঁলোকে অহা বছৰ একেবাৰে নতুন ছিজনৰ বাবে অপেক্ষা কৰি আছে।
'কৌন বনেগা কৰোড়পতি' (KBC) আছিল ব্ৰিটিছ অনুষ্ঠান 'কোন কোটিপতি হ'ব বিচাৰে'ৰ আধাৰত নিৰ্মিত ভাৰতীয় টেলিভিছন গেম শ্ব'। ২০০০ চনত ভাৰতত প্ৰথম প্ৰচাৰ হোৱা এই অনুষ্ঠানটো ভাৰতীয় টেলিভিছনৰ অন্যতম জনপ্ৰিয় আৰু চিৰস্থায়ী অনুষ্ঠান হিচাপে পৰিগণিত হৈছে।
Continue Reading
