সুখী আৰু সফল জীৱন যাপন কৰিবলৈ আচাৰ্য চাণক্যই বহু গুৰুত্বপূৰ্ণ কথা কৈছে। এইবোৰ অনুসৰণ কৰিলে মানুহ বহু ধৰণৰ বিপদৰ পৰা ৰক্ষা পৰে। জীৱনত প্ৰত্যাহ্বান বা বেয়া সময়

Listen to Article

2 min read

80%

ডিজিটেল ডেস্কঃ সুখী আৰু সফল জীৱন যাপন কৰিবলৈ আচাৰ্য চাণক্যই বহু গুৰুত্বপূৰ্ণ কথা কৈছে। এইবোৰ অনুসৰণ কৰিলে মানুহ বহু ধৰণৰ বিপদৰ পৰা ৰক্ষা পৰে। জীৱনত প্ৰত্যাহ্বান বা বেয়া সময় আহিলেও তেওঁ সহজেই সেইবোৰ অতিক্ৰম কৰে। আচাৰ্য চাণক্যই তেওঁৰ নীতি শাস্ত্ৰ চাণক্য নীতিত কৈছে যে এজন ব্যক্তিয়ে বেয়া সময়তো কিছুমান বিশেষ বস্তু এৰি দিব নালাগে। এনে কৰিলে বেয়া সময়বোৰো ৰোধ হয় বা সোনকালে শেষ হয়।

বেয়া সময়ৰ অন্ত পৰে এইবোৰ কথাৰে

১) ইতিবাচকতা- চাণক্যৰ নীতি অনুসৰি যদি কোনো ব্যক্তিৰ চিন্তাধাৰা ইতিবাচক হয়, তেন্তে তেওঁ প্ৰতিকূলতাক সুযোগলৈ ৰূপান্তৰিত কৰে। এনে ব্যক্তিয়ে নিজৰ সঠিক চিন্তাধাৰাৰ ভিত্তিত মানসিক চাপ আৰু হতাশাৰ পৰা নিজকে ৰক্ষা কৰাই নহয়, নিজৰ বাবে নতুন সুযোগ সৃষ্টি কৰিও অগ্ৰগতি লাভ কৰে।

২) লক্ষ্যত মনোনিৱেশ কৰক- সময় ভাল হওক বা বেয়া হওক কেতিয়াও নিজৰ লক্ষ্যৰ পৰা আঁতৰি নাযাব। নিজৰ লক্ষ্যত মনোনিৱেশ কৰি থাকিলেও ইতিবাচক হৈ থাকিব আৰু আগুৱাই যাবলৈও অনুপ্ৰাণিত হ’ব। এনে পৰিস্থিতিত বেয়া সময়তো ব্যক্তিজন মানসিকভাৱে সুস্থ হৈ থাকে।

৩) কঠোৰ পৰিশ্ৰম- কঠোৰ পৰিশ্ৰম আৰু সততা সফলতাৰ চাবিকাঠি। বেয়া সময়তো কঠোৰ পৰিশ্ৰম কৰা এজন ব্যক্তিয়ে নিজৰ জীৱনত নিশ্চিতভাৱে সফলতা লাভ কৰে।

৪) অহৰহ প্ৰচেষ্টা- বাৰে বাৰে বিফলতা পাই থাকিলেও নিৰুৎসাহিত নহ’ব। হতাশা আৰু আশাহীনতাই মানুহৰ আটাইতকৈ ডাঙৰ শত্ৰু। গতিকে কেতিয়াও নিৰুৎসাহিত নহ'ব আৰু চেষ্টা কৰি থাকিব। এনেদৰে বেয়া সময়বোৰ সোনকালে শেষ হৈ যাব আৰু সফলতাৰ সূৰ্য্যই জীৱন পোহৰাই তুলিব।