ডিজিটেল ডেস্কঃ উত্তৰ-পশ্চিম চীনৰ জিনজিয়াং প্ৰদেশৰ ইনিং কাউণ্টিত এটা সোণৰ খনি খহি পৰাৰ ফলত কমেও ১৮ জন শ্ৰমিক আৱদ্ধ হৈ পৰিছে। ঘটনাটোৰ সময়ত ৪০ জন শ্ৰমিকে তাত কাম কৰি আছিল বুলি জানিব পৰা গৈছে।
তেওঁলোকৰ বেছিভাগেই খনিৰ পৰা অক্ষত অৱস্থাত ওলাই আহিব পাৰিছে। অৱশ্যে ১৮ জন শ্ৰমিক এতিয়াও আৱদ্ধ হৈ আছে। ঘটনাৰ খবৰ পোৱাৰ পিছত উদ্ধাৰকাৰীৰ দল ঘটনাস্থলীত উপস্থিত হৈ উদ্ধাৰ অভিযান আৰম্ভ কৰিছে৷
ইয়াৰ পূৰ্বে ২০২১ চনৰ ছেপ্টেম্বৰ মাহত কিংঘাই প্ৰদেশত কয়লা খনি খহি পৰাৰ ফলত ১৯ জন লোকৰ মৃত্যু হৈছিল। বহু দিনৰ পিছতহে শ্ৰমিকসকলৰ মৃতদেহ উদ্ধাৰ কৰিব পৰা গৈছিল। ইফালে, যোৱা বছৰ ডিচেম্বৰত আন এটা কয়লা খনিত পানী প্ৰৱেশ কৰাৰ ফলত ২২ জন শ্ৰমিক আৱদ্ধ হৈ পৰিছিল।
শানক্সি প্ৰদেশৰ সেই ঘটনাটোত ২০ জন লোকক উদ্ধাৰ কৰা সম্ভৱ হৈছিল। ঘটনাটোত দুজন লোক নিহত হৈছিল। চীনৰ খনি নিৰাপত্তা ব্যৱস্থাটো শক্তিশালী যদিও মাজে সময়ে এনে দুৰ্ঘটনা ঘটিয়েই গৈছে৷
Continue Reading
