ডিজিটেল ডেস্কঃ চীনত পুনৰ কৰ’না ভাইৰাছে আতংকৰ সৃষ্টি কৰিছে। চীনৰ মানুহে এতিয়া কৰ’না সংক্ৰমণৰ বিৰুদ্ধে যুঁজিবলৈ প্ৰাকৃতিক প্ৰতিকাৰৰ পথ গ্ৰহণ কৰিছে। চীনত নেমু, নাচপতি, কমলা, নৰা বগৰী আদিৰ বিক্ৰীৰ উত্থান ঘটিছে।
বেইজিং আৰু চাংহাইৰ পৰা নেমুৰ ডাঙৰ চাহিদাৰ খবৰ পোৱা গৈছে। এই দুখন চহৰ কোভিদ-১৯ৰ ফলত আটাইতকৈ বেছি ক্ষতিগ্ৰস্ত হৈছে।
মানুহে এতিয়া ভিটামিন চি সমৃদ্ধ খাদ্য কিনিবলৈ লৰালৰি কৰিছে যাতে তেওঁলোকৰ ৰোগ প্ৰতিৰোধ ক্ষমতা বৃদ্ধি পায়। ভিটামিন চি-য়ে ৰোগ প্ৰতিৰোধ ক্ষমতা শক্তিশালী কৰে।
নেমু আৰু কিছুমান ভিটামিন চি সমৃদ্ধ ফলৰ বাহিৰেও চীনত জ্বৰ, বিষনাশক আৰু ফ্লুৰ ঔষধৰ পৰিমাণো তীব্ৰগতিত বিক্ৰী বৃদ্ধি পোৱা দেখা গৈছে।
যোৱা সপ্তাহত বেইজিঙত ৰেষ্টুৰেণ্ট, কাৰ্যালয়, হোটেল আৰু জিমত প্ৰৱেশ কৰাত কঠোৰ নিয়ম কাৰ্যকৰী কৰা হৈছে।
চীনত অহা কেইমাহমানৰ ভিতৰত ৮০ কোটি লোক কৰ’নাত আক্ৰান্ত হ’ব পাৰে। লণ্ডনস্থিত গ্লোবেল হেল্থ ইনটেলিজেন্স কোম্পানী এয়াৰফিনিটিয়ে কয় যে চীনত শূন্য কভিড নীতি শেষ হোৱাৰ পিছত ২১ লাখ লোকৰ মৃত্যু হ’ব পাৰে। এয়াৰফিনিটিয়ে ইয়াৰ কাৰণ চীনত কম টিকাকৰণ আৰু এন্টিব’ডিৰ অভাৱ বুলি কয়।
কৰ’নাৰ এই নতুন ভেৰিয়েণ্টৰ নাম BF.7। বিশেষজ্ঞসকলৰ মতে এইটোৱেই হৈছে অমিক্ৰনৰ আটাইতকৈ বিপজ্জনক মিউটেচন। এজন ৰোগীয়ে ১৮ জন লোকক সংক্ৰমিত কৰিব পাৰে।
Continue Reading
