--°C
Loading...
Listen to Article
2 min read
80%
ডিজিটেল ডেস্ক: চোৰাং বেহা তথা অবৈধ সামগ্ৰীৰ সৰবৰাহৰ বাবে নিৰাপদ পথত পৰিণত হৈছে নেকি বিমানবন্দৰ সমূহ? দেখাত কটকটীয়া যেন লাগিলেও বিমানবন্দৰত নিয়োজিত নিৰাপত্তা ব্যৱস্থাত আছে নেকি বৃহৎ সুৰুঙা বা কেৰোণ ? শেহতীয়া কিছুমান কৰ্মকাণ্ডৰ প্ৰশ্ন ব্যাপক ৰূপত উত্থাপন হ'বলৈ ধৰিছে। কিছুদিন পূৰ্বে শতাধিক বন্য জীৱ-জন্তুৰ সৈতে বেংককৰ এটা বিমানবন্দৰত গ্ৰেপ্তাৰ হৈছিল এটা ভাৰতীয় দম্পতী। বেগৰ ভিতৰত সোমোৱাই অনা এই জীৱ-জন্তু সমূহৰ সৈতে দম্পতীহাল চেন্নাই অভিমুখী বিমানত উঠাৰ আগে আগে গ্ৰেপ্তাৰ হৈছিল।

তাৰ কিছুদিন পূৰ্বে দেশৰে এটা বিমানবন্দৰৰ বন্য জন্তসহ দুজন লোকক গ্ৰেপ্তাৰ কৰা হৈছিল। নতুন দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত এহাল দম্পতীৰ বেগত ওলাইছিল ৪৫ টা বন্দুক।
এইবাৰ চেন্নাইৰ বিমানবন্দৰত এগৰাকী বিদেশী নাগৰিকৰ পৰা শুল্ক বিভাগে উদ্ধাৰ কৰিছে বৃহৎ পৰিমাণৰ ড্ৰাগছ সামগ্ৰী। বৃহস্পতিবাৰে বিমানবন্দৰৰ বিভাগীয় কৰ্তৃপক্ষই তাঞ্জানিয়াৰ এজন নাগৰিকৰ পৰা ৮.৮৬ কোটি টকাৰ এক কিলোগ্ৰাম নিষিদ্ধ ড্ৰাগছ হেৰোইন জব্দ কৰিছে।

শুল্ক আয়ুক্ত কে আৰ উদয় ভাস্কৰে এক বিজ্ঞপ্তিত উল্লেখ কৰা মতে গোপন সূত্ৰৰ জৰিয়তে লাভ কৰা তথ্যৰ আধাৰত শুল্ক বিভাগৰ বিষয়াসকলে উগাণ্ডাৰ এণ্টেবেৰ পৰা অহা যাত্ৰীজনক বাধা দিয়ে আৰু কেপচুলৰ ৰূপত থকা এই বৃহৎ পৰিমাণৰ ড্ৰাগছখিনি উদ্ধাৰ কৰে।

তেওঁ সদৰি কৰা মতে যাত্ৰীগৰাকীয়ে ৮৬ টা কেপচুলৰ ভিতৰত ভৰাই অনা এই ড্ৰাগছখিনি বিভাগৰ চকুত ধূলি দিয়াৰ উদ্দেশ্যে গিলি পেলাইছিল। কিন্তু পৰীক্ষাত এই ড্ৰাগছখিনিৰ উপস্থিতি ধৰা পৰাৰ পিছত নিষ্কাশনৰ জৰিয়তে ১.২৬ কিলোগ্ৰাম ওজনৰ এই নিষিদ্ধ ড্ৰাগছখিনি উদ্ধাৰ কৰে। আন্ত: ৰাষ্ট্ৰীয় বজাৰত এই ড্ৰাগছখিনিৰ মূল্য প্ৰায় ৮.৮৬ কোটি টকা হ’ব বুলি বিভাগীয় বিষয়াগৰাকীয়ে জানিবলৈ দিয়ে।

শীৰ্ষ বিষয়াগৰাকীয়ে লগতে উল্লেখ কৰা মতে নাৰ্কোটিক ড্ৰাগছ এণ্ড চাইকোট্ৰপিক চাবষ্টেন্স (এনডিপিএছ) আইন, ১৯৮৫ আৰু শুল্ক আইন, ১৯৬২-ৰ অধীনত এই ড্ৰাগছখিনি জব্দ কৰা হৈছিল। ইতিমধ্যে ড্ৰাগছ সৰবৰাহ কৰা তাঞ্জানিয়াৰ যাত্ৰীজনক গ্ৰেপ্তাৰ কৰা হৈছে আৰু এই সন্দৰ্ভত তদন্ত চলি আছে আছে বুলি বিজ্ঞপ্তিটোত কোৱা হৈছে।

উল্লেখ্য যে যোৱা মে’ মাহতো শুল্ক বিভাগে ৬.৫৮ কোটি টকা মূল্যৰ বৃহৎ পৰিমাণৰ হেৰোইন উদ্ধাৰ কৰিছিল। বিভাগটোৱে উগাণ্ডাৰ এগৰাকী নাগৰিকক ভাৰতলৈ এই নিষিদ্ধ দ্ৰব্যৰ চোৰাং সৰবৰাহ কৰাৰ অভিযোগত গ্ৰেপ্তাৰ কৰিছিল।

শাৰজাহৰ পৰা উপস্থিত হোৱা এই যাত্ৰীজনেও বিভাগৰ পৰা ৰক্ষা পাবলৈ সৰবৰাহৰ বাবে হেৰোইন ভৰ্তি ৮০ টা কেপচুল গিলি পেলাইছিল। অৱশ্যে এক্স-ৰে’ পৰীক্ষণৰ সময়ত শুল্ক বিভাগে এই অভিনৱ কায়দাক ধৰা পেলাবলৈ সক্ষম হৈছিল।


FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ