ডিজিটেল ডেস্কঃ এসপ্তাহত যিমান প্ৰেম কৰিবলৈ মন আছে কৰি লোৱা! শুনিবলৈ আচৰিত লাগিলেও চীনৰ কলেজসমূহে ছাত্ৰ-ছাত্ৰীসকলক ‘প্ৰেম আৰু ৰোমাঞ্চ’ৰ বাবে এসপ্তাহৰ ছুটী দিছে। কিন্তু কিয় এই সিদ্ধান্ত লোৱা হ’ল? সংবাদ মাধ্যমে এই সিদ্ধান্ত পৰীক্ষামূলকভাৱে লোৱা বুলি দাবী কৰিছে।
বাতৰিসমূহৰ মতে, যোৱা ২১ মাৰ্চত প্ৰথমবাৰৰ বাবে এই সিদ্ধান্ত ঘোষণা কৰা হৈছিল। বৰ্তমান কলেজসমূহত ১ এপ্ৰিলৰ পৰা ৭ এপ্ৰিললৈ বন্ধ ঘোষণা কৰা হৈছে। যাক কলেজ কৰ্তৃপক্ষই ‘বসন্ত বিৰতি’ (Spring Break) বুলি কৈছে।
এই বন্ধৰ সময়ছোৱাত কৰ্তৃপক্ষই শিক্ষাৰ্থীসকলক নিজৰ সংগীৰ সৈতে যিমান বিচাৰে সিমান প্ৰেম আৰু ৰোমাঞ্চ কৰিবলৈ কয়। প্ৰয়োজন হ’লে সংগী বিচাৰি এসপ্তাহ সময় কটাবলৈও পৰামৰ্শ দিয়া হৈছে। ইয়াৰ দ্বাৰা শিক্ষাৰ্থীৰ চিন্তা-চৰ্চা বিকাশ হোৱাই নহয়, তেওঁলোকৰ শিক্ষণ ক্ষমতাও সমৃদ্ধ হ’ব বুলি আশা কৰা হৈছে।
এই সময়ছোৱাত কোনো শিক্ষাৰ্থীয়ে ‘হোমৱৰ্ক’ কৰিব নালাগে। শিক্ষাৰ্থীসকলক নিৰ্দেশ দিয়া হৈছে যে তেওঁলোকে কেৱল তেওঁলোকে যি দেখিলে, যি শিকিলে, যি অনুভৱ কৰিলে কেবল সেইখিনিহে ডায়েৰীত লিপিবদ্ধ কৰিব লাগে।
কিন্তু প্ৰশ্ন হ’ল কিয় লোৱা হৈছে এনে সিদ্ধান্ত? স্থানীয় একাংশ সংবাদ মাধ্যমৰ বাতৰি অনুসৰি চীনৰ জন্মৰ হাৰ দ্ৰুতগতিত হ্ৰাস পাইছে। সেই লৈ চিন্তিত হৈ পৰিছে চৰকাৰ। জন্মৰ হাৰ কেনেকৈ বৃদ্ধি কৰিব পাৰি সেই সম্পৰ্কে বিভিন্ন পৰিকল্পনা কৰা হৈছে। কলেজসমূহেও সেই কামত চৰকাৰক সহায় কৰিবলৈ আগবাঢ়ি আহিছে।
Continue Reading
