ডিজিটেল ডেস্কঃ ব্ৰিটেইনৰ এখন বিদ্যালয়ৰ অদ্ভুত পদক্ষেপ। শাৰীৰিক সংস্পৰ্শক শূন্য সহনশীলতা নীতি হিচাপে ঘোষণা কৰিছে বিদ্যালয়খনে। বিদ্যালয়খনৰ নিৰ্ধাৰিত সময়ত ছাত্ৰ-ছাত্ৰীসকলক আলিংগনত নিষেধাজ্ঞা আৰোপ কৰিছে বিদ্যালয় কৰ্তৃপক্ষই। মানচেষ্টাৰৰ ওচৰত অৱস্থিত মছলি হলিন্স হাইস্কুলে ঘোষণা কৰে যে ছাত্ৰ-ছাত্ৰীসকলে ইজনে সিজনৰ লগত কোনো ধৰণৰ শাৰীৰিক সংস্পৰ্শৰ পৰা বিৰত থাকিব লাগিব। কোনো ছাত্ৰই কেতিয়াও আন এজন ছাত্ৰক স্পৰ্শ কৰিব নালাগে বুলি কোৱা ‘ন’ কণ্টেক্ট’ নিয়মত কাৰোবাৰ বাহুত ধৰা কাৰ্য্যও নিষিদ্ধ কৰা হৈছে।
‘ন’ কণ্টেক্ট’ নিয়ম অনুসৰি, ‘অন্য ছাত্ৰ-ছাত্ৰীক কঢ়িয়াই নিয়া, আলিংগন কৰা, বা খেলা-ধূলা কৰা’ৰ দৰে কথাবোৰত বাধা নিষেধ কৰা হৈছে। মেট্ৰ’ ডট কমৰ এক প্ৰতিবেদন অনুসৰি বিদ্যালয়ৰ বিৰতিৰ সময়ত আৰু দুপৰীয়াৰ আহাৰ গ্ৰহণৰ সময়তো এই নীতি প্ৰযোজ্য হ’ব বুলি সদৰী কৰিছে।
বিদ্যালয়খনৰ শেহতীয়া বাতৰি কাকতত কোনো ছাত্ৰই কেতিয়াও আন এজন ছাত্ৰক স্পৰ্শ কৰা উচিত নহয় বুলি প্ৰকাশ পাইছে। বিদ্যালয়খনৰ এই নতুন নিয়মক ছাত্ৰ-ছাত্ৰী, অভিভাৱক তথা নেটিজেনে তীব্ৰ সমালোচনাৰ দৃইষ্টিৰে চোৱা পৰিলক্ষিত হৈছে।
অভিভাৱকসকলে বিদ্যালয়খনে ন’-কণ্টেক্ট নিয়মৰ জৰিয়তে তেওঁলোকৰ ল’ৰা-ছোৱালীক ‘ৰবট’লৈ ৰূপান্তৰিত কৰিব বিচাৰিছে বুলি মত প্ৰকাশ কৰিছে। ছ’চিয়েল মিডিয়াত হোৱা প্ৰতিক্ৰিয়াৰ পিছতে বিদ্যালয়খনে নতুন নিয়মৰ ৰক্ষাৰ বাবে এক বিবৃতি প্ৰকাশ কৰে।
Continue Reading
