দৈনিক পাঁচটাকৈ ধৰ্ষণ কাণ্ড! জৰুৰী অৱস্থা ঘোষণা কৰা হ’ল এই প্ৰদেশত

ডিজিটেল ডেস্ক : ধৰ্ষণৰ ৰাজধানীত পৰিণত হৈছে এখন প্ৰদেশ। এই পৰিস্থিতিৰ পৰা উদ্ধাৰ পাবলৈ এতিয়া জৰুৰী অৱস্থা ঘোষণা কৰাৰ দিশে অগ্ৰসৰ হৈছে এখন চৰকাৰ। মহিলা আৰু শিশুৰ ওপৰত অতি ব্যাপক হাৰত বৃদ্ধি পোৱা ধৰ্ষণৰ ঘটনাই এতিয়া উদ্বিগ্ন কৰি তুলিছে প্ৰদেশখনক। এই ঘটনা সংঘটিত হৈছে পাকিস্তানৰ পঞ্জাব প্ৰদেশত।

সোমবাৰে এই সম্পৰ্কীয় পৰিস্থিতি সম্পৰ্কত চৰকাৰৰ উদ্বিগ্নতাৰ কথা প্ৰকাশৰ বাবে এখন সংবাদ মেল সম্বোধন কৰিছিল পঞ্জাবৰ গৃহমন্ত্ৰীয়ে। পঞ্জাব প্ৰদেশৰ গৃহমন্ত্ৰী আট্টা তাৰাৰে কয় যে, এইধৰণৰ ঘটনা সংঘটিত হৈ থকাটো অথি উদ্বেগৰ বিষয়। সমাজ তথা চৰকাৰী বিষয়াসকলৰ বাবে এয়া এক চিন্তনীয় বিষয় হৈ পৰিছে।

তেওঁ কয় যে, পঞ্জাবত দৈনিক চাৰি, পাঁচটাকৈ ধৰ্ষণৰ ঘটনা সংঘটিত হৈছে। এই পৰিস্থিতিৰ প্ৰতি লক্ষ্য ৰাখি ধৰ্ষণ কাণ্ডৰ সৈতে মোকাবিলা কৰাৰ বাবে চৰকাৰে বিশেষ ব্যৱস্থা গ্ৰহণৰ দিশে অগ্ৰসৰ হৈছে। যৌন নিৰ্যাতন, ধৰ্ষণ, আৰু অন্য অপৰাধমূলক কাম-কাজৰ সৈতে মোকাবিলা কৰাৰ বাবে চৰকাৰে নতুন পদক্ষেপ গ্ৰহণ কৰিব।