ডিজিটেল ডেস্কঃ বিগ বছ খ্যাত শ্বেহনাজ গিলে ছলমান খানৰ ছবি ‘ভাইজান’ৰ জৰিয়তে বলীউডত অভিষেক ঘটাব বুলি দীৰ্ঘদিন ধৰি বাতৰিৰ শিৰোনাম দখল কৰি আহিছে। বৰ্তমান এই ছবিখনৰ সৈতে জড়িত এটা ডাঙৰ খবৰ ওলাইছে। সংবাদ মাধ্যমৰ খবৰ অনুসৰি, ছবিখনৰ পৰা বাহিৰ কৰি দিয়া হৈছে শ্বেহনাজ গিলক। এটা এণ্টাৰটেইনমেণ্ট প’ৰ্টেলৰ মতে, শ্বেহনাজ এতিয়া ছলমানৰ ছবিখনৰ অংশ নহয়।
ইয়াৰ পাছতেই শ্বেহনাজ গিলে ছ’চিয়েল মিডিয়াত ছলমানক আনফ’ল’ কৰা বুলিও প’ৰ্টেলটোৱে দাবী কৰিছে। ছবিখনৰ পৰা তেওঁৰ বাহিৰ হোৱাৰ কাৰণ জানিব পৰা হোৱা নাই। অৱশ্যে যদি তেওঁৰ ইনষ্টা একাউণ্টৰ সত্যতা জানিবলৈ চেক কৰা যায় তেন্তে দেখিব যে শ্বেহনাজে এতিয়াও ছলমান খানক ফ’ল’ কৰে। ছলমান খানক তেওঁ আনফ’ল’ কৰা নাই। এই বাতৰি চৰ্চালৈ অহাৰ পিছত এতিয়ালৈকে কোনো আনুষ্ঠানিক বিবৃতি ওলোৱা নাই অভিনেত্ৰীগৰাকী বা ছবিখনৰ নিৰ্মাতাসকলৰ পৰা।
শেহতীয়াকৈ ছ’চিয়েল মিডিয়াত শ্বাহনাজৰ এখন ছবি অতি ভাইৰেল হৈ পৰিছে। এই ফটোখনত শ্বাহনাজক এখন ছবিৰ শ্বুটিং কৰা দেখা গৈছিল। ছবিখন ওলোৱাৰ পিছত মানুহে অনুমান কৰিছিল যে এইখন ছলমান খানৰ ভাইজানৰ ছবিখনৰ চেট। অৱশ্যে এই ছবিখনৰ কাষ্টিং সন্দৰ্ভত এতিয়ালৈকে কোনো আনুষ্ঠানিক নিশ্চিতকৰণ হোৱা নাই।
তাৎপৰ্যপূৰ্ণভাৱে বিগ বছৰ বাবেই শ্বাহনাজৰ জনপ্ৰিয়তা বহুখিনি বৃদ্ধি পাইছে। পঞ্জাৱৰ কেটৰিনা কাইফ নামেৰেও জনাজাত শ্বেহনাজ গিল। পাঞ্জাবী চলচ্চিত্ৰ জগতৰ পৰা তেওঁ অভিনয় জীৱন আৰম্ভ কৰিছিল। এই ছবিখনৰ নাম আছিল ‘হৌছলা ৰখ’। ইয়াৰ উপৰিও বহু মিউজিক ভিডিঅ’তো অভিনয় কৰিছে অভিনেত্ৰীগৰাকীয়ে। ছলমান খানৰ ছবিৰ পৰা সঁচাকৈয়ে বাদ পৰিল নেকি শ্বেহনাজ গিল সেয়া পৰৱৰ্তী পৰ্যায়ত হে গম পোৱা যাব।
Continue Reading
