ছ’চিয়েল মিডিয়া ব্যৱহাৰ কৰাৰ বাবে ছৌদি মহিলাক ৪৫ বছৰৰ কাৰাদণ্ড, এমাহৰ ভিতৰত এইটো দ্বিতীয়টো ঘটনা

ডিজিটেল ডেস্ক : ছৌদি আৰবৰ এখন আদালতে ছ’চিয়েল মিডিয়া ব্যৱহাৰ কৰি দেশৰ ক্ষতি কৰাৰ অপৰাধত নোৰা বিন্দ ছাইদ আল খাতানী নামৰ এগৰাকী মহিলাক ৪৫ বছৰৰ কাৰাদণ্ডৰ শাস্তি প্ৰদান কৰিছে। এমাহৰ ভিতৰত এইটো দ্বিতীয়টো ঘটনা। ছৌদি আৰবৰ সৰ্ববৃহৎ জনগোষ্ঠীৰ অন্তৰ্গত নোৰাৰ বিৰুদ্ধে কোনো অভিলেখ পোৱা নাই।

 আদালতৰ কাগজ অনুসৰি নোৰাৰ বিৰুদ্ধে ছ’চিয়েল মিডিয়া ব্যৱহাৰ কৰাৰ অভিযোগ উত্থাপন হৈছে। মানৱ অধিকাৰ সংগঠনসমূহৰ প্ৰশ্ন উত্থাপনত ছৌদিৰ বিষয়াসকলে সবিশেষ তথ্য প্ৰদানৰ পৰা বিৰত আছিল। সন্ত্ৰাসবাদ বিৰোধী আৰু চাইবাৰ অপৰাধ আইন অনুসৰি নোৰাক শাস্তি প্ৰদান কৰা হৈছে। সাধাৰণতে ৰাজনৈতিক আৰু ৰাষ্ট্ৰীয় নিৰাপত্তাৰ সৈতে জড়িত বিষয়সমূহ চম্ভালি থকা আদালতে দোষী সাব্যস্ত হোৱাৰ বিৰুদ্ধে নোৰাৰ আপীলৰ শুনানিৰ সময়ত এই শাস্তি ঘোষণা কৰে। তেওঁ সংহতি আৰু সামাজিক তন্ত্ৰৰ ক্ষতি কৰাৰ অভিযোগ উত্থাপন হৈছে। অৱশ্যে নোৰাই অনলাইনত কি পোষ্ট কৰিছিল সেয়া এতিয়াও স্পষ্ট হোৱা নাই।

 যোৱা বছৰৰ জুলাই মাহত গ্ৰেপ্তাৰ হৈছিল নোৰা। ছৌদি আৰবৰ সমালোচক ৱাশ্বিংটনস্থিত মানৱ অধিকাৰ সংগঠন ‘ডেমক্ৰেচি ফৰ দ্যা আৰব ৱৰ্ল্ড নাও’ৰ প্ৰতিবেদন অনুসৰি ২০২১ চনৰ ৪ জুলাইত তেওঁক গ্ৰেপ্তাৰ কৰা হৈছিল। সংস্থাটোৰ গৱেষণা সঞ্চালিকা এলিছন মেকমেনাছে কয় যে ‘এই কথা যেতিয়াই আন্তঃৰাষ্ট্ৰীয় মহলত ৰাজকুমাৰ মহম্মদক স্বীকৃতি বাঢ়িবলৈ আৰম্ভ কৰিছিল, তেতিয়াই এনে ধৰণৰ ঘটনা বৃদ্ধি পাবলৈ ধৰিছে।’