ডিজিটেল ডেস্কঃ প্ৰথমে বেটিং কৰি ভাৰতে ইন্দোৰত অনুষ্ঠিত দ্বিতীয় এদিনীয়াত অষ্ট্ৰেলিয়াৰ বিৰুদ্ধে ৩৯৯ ৰান সংগ্ৰহ কৰে। ভাৰতীয় বেটছমেনে ১৮টা ছয় মাৰে। ফলস্বৰূপে ভাৰতে এক নজিৰ গঢ়ি তুলিছে। এদিনীয়া ক্ৰিকেটত ৩,০০০ ছয় কৰা প্ৰথমটো দল হিচাপে পৰিগণিত হ’ল ভাৰত।
ইন্দোৰত ৫ জন ভাৰতীয় বেটছমেনে ছয় মাৰে। তালিকাত শীৰ্ষস্থান দখল কৰে সূৰ্যকুমাৰ যাদৱ। তেওঁৰ বেটৰ পৰা ছয়টা ছয় আহিল। শুবমান গিলে চাৰিটা ছয় মাৰে। শ্ৰেয়াছ আয়েৰ আৰু লোকেশ ৰাহুলে তিনিটাকৈ ছয় মাৰে। বাকী দুটা ছয় আহিছিল ঈশান কিষাণৰ বেটৰ পৰা। এই ১৮টা ছয়ৰ ফলত ভাৰতে ৩০০০ ছয়ত উপনীত হ’ল।
এটা ইনিংছত সৰ্বাধিক ছয় মাৰিবলৈ ভাৰতক আৰু দুটা ছয়ৰ প্ৰয়োজন হৈছিল। ভাৰতীয় বেটছমেনে ২০১৩ চনত বাংগালুৰুত অষ্ট্ৰেলিয়াৰ বিৰুদ্ধে আৰু ২০২৩ চনত ইন্দোৰত নিউজিলেণ্ডৰ বিৰুদ্ধে ১৯টাকৈ ছয় মাৰে। ২০০৭ চনত প’ৰ্ট অৱ স্পেইনত বাৰ্মুডাৰ বিৰুদ্ধে আৰু ২০০৯ চনত ক্ৰাইষ্টচাৰ্চত নিউজিলেণ্ডৰ বিৰুদ্ধে ভাৰতীয় ইনিংছত ১৮টা ছয় দেখা গৈছিল।
Continue Reading
