ডিজিটেল ডেস্কঃ ছলিচিটৰ জেনেৰেল হিচাপে তুষাৰ মেহতাৰ কাৰ্যকাল পুনৰ তিনি বছৰৰ বাবে বৃদ্ধি কৰা হৈছে। প্ৰধানমন্ত্ৰী নৰেন্দ্ৰ মোদীৰ গৃহ ৰাজ্য গুজৰাটৰ পৰা অহা মেহতাক ২০১৮ চনত এই পদত নিযুক্তি দিয়া হৈছিল। অতিৰিক্ত ছলিচিটৰ জেনেৰেল বিক্ৰমজিৎ বেনাৰ্জী, কেএম নটৰাজ, বলবীৰ সিং, এছ ভি ৰাজু, এন ভেংকটৰমন আৰু ঐশ্বৰ্য ভাৰতীৰো কাৰ্যকাল বৃদ্ধি কৰা হৈছে।
কেন্দ্ৰীয় কেবিনেটৰ বৈঠকৰ পিছত অতিৰিক্ত ছলিচিটৰ জেনেৰেলৰো কাৰ্যকাল বৃদ্ধি কৰাৰ সিদ্ধান্ত লোৱা হৈছিল।গুজৰাটৰ বাসিন্দা তুষাৰ মেহতাই গুজৰাটতে অধ্যয়ন কৰিছিল। তেওঁ গুজৰাট বিশ্ববিদ্যালয়ৰ পৰা আইনৰ ডিগ্ৰী লাভ কৰিছিল। তেওঁ পিছলৈ পৰা ডক্টৰেট ডিগ্ৰীও লাভ কৰিছিল।
১৯৮৭ চনত আইনৰ বৃত্তিত যোগদান কৰিছিল মেহতাই। ২০০৭ চনত ৪২ বছৰ বয়সত তেওঁ গুজৰাট উচ্চ ন্যায়ালয়ত জ্যেষ্ঠ অধিবক্তা হিচাবে যোগদান কৰিছিল। তেওঁ ২০১৪ চনত অতিৰিক্ত ছলিচিটৰ জেনেৰেল ৰূপে কাৰ্যভাৰ গ্ৰহণ কৰিছিল। তুষাৰ মেহতাক ২০১৮ চনত ছলিচিটৰ জেনেৰেল হিচাপে নিযুক্ত দিয়া হৈছিল।
Continue Reading
