ডিজিটেল ডেস্কঃ তেলেংগানাত ৰেৱন্ত ৰেড্ডীয়ে ৭ ডিচেম্বৰত ৰাজ্য খনৰ তৃতীয়গৰাকী মুখ্যমন্ত্ৰী হিচাপে শপতগ্ৰহণ কৰে। তেওঁ শপতগ্ৰহণ অনুষ্ঠানতে ছোনিয়া গান্ধীক প্ৰণাম জনাইছিল। কিন্তু ছোনিয়াৰ কাষতে বহি থকা কংগ্ৰেছ সভাপতি মল্লিকাৰ্জুন খাৰ্গেক ৰেড্ডীয়ে প্ৰণাম কৰা নাছিল। ৰেৱন্তে ছোনিয়াতকৈ ডাঙৰ খাৰ্গেক কিয় সেৱা জনোৱা নাছিল তাকেলৈ এতিয়া বিজেপিয়ে প্ৰশ্ন কৰিছে। খৰ্গে 'দলিত' বাবেই তেওঁক ৰেড্ডীয়ে সেৱা নকৰিলে নেকি বুলি বিজেপিয়ে প্ৰশ্ন কৰিছে।
বিজেপিৰ আইটি চেলৰ মুৰব্বী অমিত মালৱীয়ই টুইটত কয়, "শপতগ্ৰহণ কৰাৰ পিছত ৰেৱন্ত ৰেড্ডী আৰু তেওঁৰ পত্নীয়ে ছোনিয়া গান্ধীৰ ভৰি স্পৰ্শ কৰি আশীৰ্বাদ লয়।ইয়াত কোনো ভুল নাই, ই আমাৰ সংস্কৃতিৰ অংশ। কিন্তু তেওঁ কেৱল খাৰ্গেৰ সৈতে কৰমৰ্দনহে কৰিছিল। তেওঁ দলিত নে ৰাবাৰ ষ্টেম্প সভাপতি? নে দুয়োটাই?'
বৃহস্পতিবাৰে হায়দৰাবাদৰ এলবি ষ্টেডিয়ামত লাখ লাখ লোকৰ সন্মুখত ৰেৱন্তে শপত গ্ৰহণ কৰিছিল। কংগ্ৰেছ সভাপতি মল্লিকাৰ্জুন খাৰ্গে, ছোনিয়া গান্ধী আৰু দলৰ প্ৰাক্তন সভাপতি ৰাহুল গান্ধীও সেই অনুষ্ঠানত উপস্থিত আছিল। ১১৯ জনীয়া তেলেংগানা বিধানসভাত কংগ্ৰেছে ৬৪ খন আসন লাভ কৰিছিল। চিপিআইয়ে এখন আসনত জিকিছিল। বিআৰএছে ৩৯ খন আসনত জিকিছে। বিজেপিয়ে 8 খন আসন লাভ কৰিছে।এআইএমআইএমে ৭ খন আসনত জিকিছে। তিনিখন ৰাজ্যত পৰাজয় স্বত্বেও, হাত শিবিৰে কেৱল এখন ৰাজ্যতে সফলতা লাভ কৰিছে।
Continue Reading
