ডিজিটেল ডেস্কঃ ছঠৰ পূৰ্বে যোৱা ১২ ঘন্টাত উত্তৰ প্ৰদেশত ইটাৱাত দ্বিতীয়টো ৰে’ল দুৰ্ঘটনা সংঘটিত হৈছে। নতুন দিল্লীৰ পৰা দৰভংগালৈ যোৱা হামছফৰ এক্সপ্ৰেছৰ পাছত আজি পুৱা ইটাৱাতো বৈশালী ছুপাৰফাষ্ট এক্সপ্ৰেছৰ বগীত অগ্নিকাণ্ড সংঘটিত হয়। এই অগ্নিকাণ্ড পেণ্ট্ৰিকাৰৰ কাষৰ এছ-৬ বগীত এই কাণ্ড সংঘটিত হয়৷ এই দুৰ্ঘটনাত ১৯ জন যাত্ৰী আহত হোৱাৰ খবৰ পোৱা গৈছে।
তথ্য অনুসৰি বৃহস্পতিবাৰে পুৱা দিল্লীৰ পৰা ছাহৰছালৈ যোৱা বৈশালী ছুপাৰফাষ্ট এক্সপ্ৰেছ ৰে’লৰ এছ-৬ ব’গীত অগ্নিকাণ্ড সংঘটিত হয়, ১২ ঘণ্টাৰ ভিতৰতে আন এখন ৰে’লত অগ্নিকাণ্ডৰ খবৰে আতংকৰ সৃষ্টি কৰিছে। এই দুৰ্ঘটনাত ১৯ জন যাত্ৰী আহত হৈছে। ইয়াৰে ১১ জন যাত্ৰীক চাইফাই চিকিৎসা মহাবিদ্যালয়লৈ আৰু ৮ জন যাত্ৰীক ভীমৰাও আম্বেদকাৰ চিকিৎসালয়লৈ প্ৰেৰণ কৰা হয়।
ইয়াৰ পূৰ্বে বুধবাৰে সন্ধিয়া নতুন দিল্লীৰ পৰা দৰভংগালৈ যোৱা দৰভংগা এক্সপ্ৰেছৰ তিনিটা বগীত জুই লাগিছিল, এই দুৰ্ঘটনাতো আঠজন যাত্ৰী আহত হৈছে, সকলোৰে অৱস্থা বিপদৰ পৰা মুক্ত। ডি এম অবনীশ ৰায়ৰ মতে, কোনো লোক গুৰুতৰভাৱে আহত হোৱা নাই। তিনিওটা জ্বলি যোৱা বগী ৰেলৰ পৰা আঁতৰাই ৰেলখন আগুৱাই পঠিয়াই দিয়া হৈছে। ৰেলৱেত কেনেদৰে অগ্নিকাণ্ড সংঘটিত হয় তদন্ত অব্যাহত ৰাখিছে।
Continue Reading
