ডিজিটেল ডেস্কঃ ছত্তীশগড়ৰ দূৰ্গ জিলাত এজন ব্যক্তিয়ে অন্ধবিশ্বাসৰ বলি হৈ নিজৰেই জিভা কাটি ভগৱান শিৱক সন্তুষ্ট কৰিবলৈ কৰা চেষ্টাই চাঞ্চল্যৰ সৃষ্টি কৰিছে৷ সংকটজনক অৱস্থাত লোকজনক চিকিৎসালয়ত ভৰ্তি কৰোৱা হৈছে। ছত্তীশগড়ৰ দূৰ্গ জিলাৰ এজন ব্যক্তিয়ে অন্ধবিশ্বাসৰ বাবেই জিভা কাটি পেলোৱা বুলি আৰক্ষীয়ে জানিবলৈ দিছে। ৰাজেশ্বৰ নিশাদে (৩৩) জিলাখনৰ অঞ্জোৰা আৰক্ষী থানাৰ অন্তৰ্গত থানাউদ গাঁৱত জিভা কাটি শিৱক পূজা কৰিছিল৷ ।গাওঁবাসীয়ে প্ৰকাশ কৰা মতে ৰাজেশ্বৰ নিশাদে পুৱা প্ৰায় ৮ বজাত গাওঁৰ পুখুৰীৰ পাৰত উপস্থিত হৈছিল আৰু এটা শিলৰ ওচৰত বহিছিল৷ তেওঁ কিছুমান মন্ত্ৰ বিড়বিড় কৰিবলৈ আৰম্ভ কৰিছিল। পিছত তেওঁ চুৰিৰে নিজৰ জিভাখন কাটি পেলাইছিল৷
কেৱল এয়াই নহয়, তেওঁ জিভাখন শিলৰ ওচৰত ৰাখিছিল। আনজোৰা আউটপ'ষ্টৰ ভাৰপ্ৰাপ্ত বিষয়া ৰাম নাৰায়ণ ধ্ৰুৱে জানিবলৈ দিয়া মতে যেতিয়া গাওঁবাসীয়ে ঘটনাটোৰ বিষয়ে জানিব পাৰিছিল তেওঁলোকে চৰকাৰী এম্বুলেন্স সেৱা আৰু আৰক্ষীক ঘটনাটো অৱগত কৰিছিল। লগে লগে ৰাজেশ্বৰ নিশাদক চিকিৎসালয়ত ভৰ্তি কৰোৱা হয়। ৰাজেশ্বৰ নিশাদে অন্ধবিশ্বাসৰ বাবে এই ঘটনাটো সংঘটিত কৰিছে বুলি সকলোৱে প্ৰকাশ কৰিছে।
তেওঁ মনৰ ইচ্ছা পূৰণৰ বাবে ভগৱান শিৱক জিভা আগবঢ়াব বিচাৰিছিল। ৰাজেশ্বৰ নিশাদৰ তিনিটা সন্তান আছে বুলি আৰক্ষী বিষয়াগৰাকীয়ে কয়৷ তেওঁৰ পত্নী বোবা। আৰক্ষীয়ে ঘটনা সন্দৰ্ভত গাওঁবাসীক সোধা-পোছা কৰি আছে। আৰক্ষীয়ে নিশাদে ব্যৱহাৰ কৰা চুৰিখনো উদ্ধাৰ কৰিছে। ঘটনা সন্দৰ্ভত আৰক্ষীয়ে এটা গোচৰ ৰুজু কৰিছে। আৰক্ষীয়ে এয়া বিচাৰি উলিয়াবলৈ চেষ্টা চলাইছে যে লোকজনক কোনোবাই তেনে কৰিবলৈ হেঁচা দিছিল নেকি৷ শেহতীয়াকৈ, মধ্য প্ৰদেশৰ মাইহাৰতো একে ধৰণৰ ঘটনা সংঘটিত হোৱাৰ খবৰ পোৱা গৈছে।
Continue Reading
